२०८२ भाद्र ३ गते मंगलवार
२०८२ भाद्र ३ गते मंगलवार
२०७९ को प्रथम त्रैमासिक तलब विद्यालय कर्मचारी, प्रारम्भिक बालविकास सहजकर्ता (इसीडी शिक्षक)लगायतको खातामा कपिलवस्तु नगरपालिकाले पठाउने तयारी गरेको छ ।
नगरपालिका शिक्षा, युवा तथा खेलकुद शाखा प्रमुख हरिप्रसाद ज्ञवाली (उप–सचिव)ले नगरपालिकाअन्तर्गतका सामुदायिक विद्यालयले माग फाराम बुझाइसकेकाले अब केही दिनमै तलब पठाउने तयारी गरेको जानकारी दिए ।विद्यालयहरूबाट माग फाराम प्राप्त भइसकेको छ । अब केही दिनमै खातामा पैसा जान्छ- ज्ञवालीले भने ।
नगरपालिकाले स्थायी, करार र राहत शिक्षकको स्वीकृत बजेट अनुसार बालविकास शिक्षकलाई मासिक १७,०००, कार्यालय सहायक लेखापाललाई मासिक २६,०००, कार्यालय सहयोगीलाई मासिक १५,०००, संघीय शिक्षण सिकाइ अनुदान, मा.वि शिक्षकलाई मासिक ३७,९९०, र नि.मा.वि शिक्षकलाई मासिक ३०,२००, स्वयंसेवक शिक्षक बालविकास शिक्षकलाई मासिक, १५,०००, प्रा.वि शिक्षकलाई मासिक १६,०००, नि.मा.वि शिक्षकलाई मासिक १७,००० र मा.वि शिक्षकलाई मासिक १९,००० रूपैयाँ उपलब्ध गराइने छ । उक्त तलबस्केलमा चाडपर्व खर्चसमेत जाेडिएकाे नगरपालिकाकाे भनाइ छ ।
© 2025 All right reserved to khabarcnter.com | Site By : Sobij
