२०८२ मंसिर १३ गते शनिवार
२०८२ मंसिर १३ गते शनिवार
साताको पहिलो दिन, सुनको मूल्य वृद्धि भएको छ । साउन ८ गते, आइतबार सुन तोलामा ५०० रुपैयाँले महंगिएको छ भने चाँदीको मूल्य भने घटेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ९४ हजार ५०० रुपैयाँ पुगेको छ । यसैगरी, तेजाबी सुन प्रतितोला ९४ हजार रुपैयाँमा कारोबार भइरहेको छ । सुनको भाउ निरन्तर दोश्रो दिन बढोत्तरी भएको हो ।
अघिल्लो साताको अन्तिम कारोबार दिन, सुन एकै दिन तोलामा एक हजार रुपैयाँले बढेको थियो । त्यस दिन सुन प्रतितोला ९४ हजार रुपैयाँमा खरिदबिक्री भएको थियो ।
आइतबार चाँदीको मूल्यमा भने गिरावट आएको छ । यस दिन चाँदी तोलामा १० रुपैयाँले घटेर प्रतितोला एक हजार १५५ रुपैयाँमा किनबेच हुँदैछ ।
शुक्रबार भने चाँदीको मूल्य उकालो लागेको थियो । त्यस दिन चाँदी प्रतितोला १० रुपैयाँले बढेर एक हजार १५५ रुपैयाँमा कारोबार भएको थियो ।
© 2025 All right reserved to khabarcnter.com | Site By : Sobij
