मेगा बैंकले ल्यायो ‘एक-से-एक’ बचत खाता

श्रावण ६, २०७९ शुक्रवार

3.0K

मेगा बैंक नेपालले ‘एक–से–एक’ नामक नयाँ आकर्षक बचत खाता योजना ल्याएको छ । यस बचत खातामा सगरमाथा, कञ्चनजंघा र ल्होत्से गरी तीन वटा हिमालको नामाकरण गरी फरक फरक सुविधाहरु ल्याइएको छ ।

यी योजनाहरुमा ८.०३ प्रतिशत ब्याज पाइनुका साथै विभिन्न आकर्षक सुविधा र छुटको पनि व्यवस्था गरिएको छ । यी तीनै वटा योजनामा डेबिट कार्ड, मोबाइल बैंकिङ, इन्टरनेट बैंकिङ चेक बुक र इ–कमर्श रजिस्ट्रेसन नि:शुल्क गरिएको बैंकले जनाएको छ ।

बैंकका अनुसार क्रेडिट कार्ड सुविधा पनि उपलब्ध छ । यसका साथै, ग्राहकहरुलाई रिटेल लोन प्रक्रिया शुल्कमा ०.२५ छुटसहित प्रिपेड डलर कार्ड, लकर लगायत विविध सेवामा छुटको व्यवस्था गरिएको छ । बैंकका देशभर २ सय ८ वटै शाखा तथा २५ वटा एक्सटेन्सन काउन्टर संचालनमा छन् ।

प्रकाशित मिति :श्रावण ६ २०७९ शुक्रवार - १३:०५:२६ बजे

प्रतिक्रिया