२०८२ मंसिर १३ गते शनिवार
२०८२ मंसिर १३ गते शनिवार
एनआईसी एसिया बैंकले गत आर्थिक वर्षमा ४ अर्ब ५३ करोड खुद मुनाफा आर्जन गरेको छ। एनआईसी एसिया बैंक लिमिटेडले गत आ।व। २०७८र७९ को चौथो त्रैमासिकको अपरिष्कृत वित्तीय विवरण प्रकाशित गरेको हो।
विवरणअनुसार बैंकले आ.व. २०७८र७९ मा आर्जन गरेको खुद मुनाफा वार्षिक विन्दुगत आधारमा ३९ प्रतिशतको वृद्धि हो।
यसैगरी बैंकको स्व(पुँजीमा प्रतिफल १९.६५ प्रतिशत छ, जुन २६ वटै वाणिज्य बैंकहरूमध्ये सबैभन्दा बढी रहेको अनुमान बैंकले गरेको छ।
बैंकको प्रतिसेयर आम्दानीतर्फ ३९.१३ रुपैयाँ आर्जन गर्न बैंक सफल भएको छ। जुन २६ वटै वाणिज्य बैंकहरूमध्ये सबैभन्दा बढी रहेको अनुमान बैंकले गरेको छ।
कर्जा असुलीमा निकै उत्साहजनक नतिजा हासिल गर्न सफल भई निष्क्रिय कर्जालाई ०.४९ प्रतिशतमा सीमित राख्न बैंक सफल भएको छ। त्यसैगरी बैंकको कुल पुँजी पर्याप्तता अनुपात १३.५१ प्रतिशत र टायर १ क्यापिटल एडिक्वेसी रेसियो ८.९३ प्रतिशत पुर्याई पुँजी व्यवस्थापनतर्फ पनि उत्साहजनक नतिजा हासिल गर्न बैंक सफल भएको छ।
बैंकले आ.व. २०७८र७९ को चौथो त्रयमाससम्ममा १२ लाखभन्दा बढी नयाँ खाताहरू थप गर्दै ४० लाखभन्दा बढी खाताहरू पुगेको छ।
चौथो त्रैमासिकसम्ममा बैंकले कुल कर्जा लगानीको अंशमा करिब ८६ प्रतिशत साना तथा मझौला र रिटेल कर्जाहरु कर्जा विस्तार गरेकोे छ। साना तथा मझौला कर्जा लगानीमा मुलुकका अन्य वाणिज्य बैंकहरू भन्दा यस बैंक अग्रणी स्थानमा रहेको बैंकको अनुमान रहेको बैंकले जनाएको छ।
बैंकको मुलुकभर रहेका ३५९ शाखा कार्यालयहरू, ४७३ एटीएम, १०२ वटा विस्तारित काउन्टर एवं ८१ वटा शाखारहित बैंकिङ्ग सेवा रहेको छ।
© 2025 All right reserved to khabarcnter.com | Site By : Sobij
