२०८२ भाद्र ५ गते बिहिवार
२०८२ भाद्र ५ गते बिहिवार
काठमाडौं । तत्कालिन माओवादीका लडाकुहरुको संगठन पूर्व जनमुक्ति सेना तथा वहिर्गत वाल सेनाहरुको संगठनहरु केपी ओली नेतृत्वको नेकपामा लाग्ने भएका छन् ।
प्रधानमन्त्री निवास बालुवाटारमा शनिबार पूर्व लडाकु प्रतिनिधिमण्डको भेटमा प्रधानमन्त्री केपी शर्मा ओलीले उनीहरुको भावनाको सम्मान गर्ने र उचित व्यवस्था गरिदिने बताएपछि उनीहरु ओली समूहमा लाग्न तयार भएका हुन ।
पूर्व लडाकु संगठनका अध्यक्ष टुकवहादुर थापा ९अर्जुन० र वहिर्गमित वाल सैनिक संगठनका लेनिन विष्ट सहितका पदाधिकारीले प्रधानमन्त्री ओलीलाई भेटेका थिए ।
भेटमा प्रधानमन्त्री ओलीले घाइते अपांग पूर्व लडाकुको उपचार सरकारले व्यहोर्ने गरि मन्त्रिपरिषदले निर्णय गरिसकेको र पूर्व लडाकुलाई राज्यको तर्फबाट परिचयपत्र दिने र राज्यका विभिन्न निकाय तथा पार्टीका विभिन्न संरचनामा समायोजना गर्ने बताएका थिए ।
त्यस्तै शहीद परिवारका एक घर एक रोजगारको लागि पनि तत्कालै प्रक्रिया थाल्ने प्रधानमन्त्रीले आश्वासन दिएको बताइएको छ ।भेटमा सहभागी बिष्ट नेतृत्वका पूर्व लडाकुहरुले पार्टी र सरकारबाट यथोचित न्याय र सम्मानको अपेक्षा गरेको बताएका थिए ।
राष्ट्रको लागि आफूहरूले विगतमा गरेको योगदानको उचित कदर हुनुपर्ने पूर्व लडाकुको मागलाई प्रधानमन्त्री ओलीले उचित कदम चाल्ने आश्वासन दिएका थिए ।
© 2025 All right reserved to khabarcnter.com | Site By : Sobij
