२०८२ माघ ८ गते बिहिवार
२०८२ माघ ८ गते बिहिवार
अभिनेता विपिन कार्कीले पारिश्रमिकमा वृद्धि गर्ने निर्णय गरेका छन् । उनले केही सर्तसहित यस्तो निधो गरेको जानकारी दिए ।
फिल्मको समूह, उद्देश्य, लगानीको आकार र निर्माताको फिल्मसम्बन्धी चेतनाको स्तरलाई उनले सर्त मानेका छन् । सबै सर्त पूरा भए उनले न्यून पारिश्रमिकमा काम गर्ने, तर पैसा कमाउने उद्देश्य छ र लगानीको आकार उच्च छ भने सोहीअनुसार पारिश्रमिक लिने उनको तयारी छ ।
केही फिल्मको लागि आफूले सोही सापेक्षताअनुसार ५० लाख रुपैयाँ पारिश्रमिक मागेको जानकारी पनि दिए ।
उनले भने, ‘स्क्रिप्ट हेरेर मात्र पारिश्रमिकबारे निधो गर्छु । भूमिका चित्त पनि बुझ्नुपर्यो । मलाई कसैले एक करोड दिन्छु भनेको भरमा म फिल्म गर्दिन । टिम, समय र उहाँहरुको चेतनाको स्तर हेरेर निर्णय गर्छु ।’
आर्थिक लाभ लिने वा नलिने एउटा सर्तलाई उनले महत्वपूर्ण आधार तुल्याएका छन् । सोहीअनुसार उनले हालै फिडेल देवकोटा निर्देशित फिल्म ‘रेड सुटकेस’मा निःशुल्क अभिनय गरे । यो फिल्मलाई फेस्टिभल लक्षित मानिएको छ ।
© 2026 All right reserved to khabarcnter.com | Site By : Sobij
