२०८२ मंसिर १३ गते शनिवार
२०८२ मंसिर १३ गते शनिवार
सेयर बजारमा बुधबार २ प्रतिशतभन्दा माथिले वृद्धि भएको छ । साताको चौथो कारोबार दिन बुधबार बजार परिसूचक नेप्से ४१.९३ अंक (२.१५ प्रतिशत) ले वृद्धि भएर १९६२.७१ अंकमा बन्द भएको छ ।
साताको पहिलो कारोबार दिन आइतबार करिब ९५ अंकको अस्वाभाविक वृद्धि भएको नेप्सेमा सोमबार र मंगलबार ‘करेक्सन’ देखिएको थियो ।
बुधबार नेप्सेमा वृद्धि हुँदा सबै उपसूचक बढेका छन् । विकास बैंक र वित्त कम्पनी उपसूचक ४ प्रतिशतमाथिले वृद्धि हुँदा हाइड्रोपावर उपसूचक पनि करिब ४ प्रतिशत र व्यापार उपसूचक साढे ६ प्रतिशतमाथिले बढेको छ ।
कारोबार पनि करिब डेढ अर्ब पुगेको छ । आइतबार र सोमबार लगातार दुई दिन दुई अर्बमाथिको कारोबार भएको थियो । मंगलबार कारोबार एक अर्ब रुपैयाँमा सीमित भएको थियो ।
दोहोरो अंकले बढेको सेयर बजारमा दुई कम्पनीको मूल्यमा सकारात्मक सर्किट लागेको छ। आँधीखोला लघुवित्त वित्तीय र सीवाईसी नेपाल लघुवित्त वित्तीय संस्थाको क्रमश १०.०० र ९.९९ प्रतिशतले सेयर मूल्य बढेको हो।
बरुण हाइड्रोपावरको ९.४५ प्रतिशतले सेयर मूल्य बढ्यो। यसैगरी तीन कम्पनीको ८ प्रतिशत बढीले मूल्य बढेको छ। कारोबारमा आएका १३ समूहमा हरियाली छाएको छ। यसदिन ट्रेडिङ समूहको सर्वाधिक ६.५६ प्रतिशतले सेयर मूल्य बढ्यो।
यसैगरी डेभलपमेन्ट बैंक समूहको ४.४३ र फाइनान्स समूहको ४.१४ प्रतिशतले मूल्य बढ्यो। हाइड्रो पावरको ३.९३ प्रतिशतले मूल्य बढ्दा होटल्स एन्ड टुरिज्मको ३.४६ प्रतिशतले सूचक बढेको हो।
कारोबार रकमका आधारमा नगदी ग्रुप अग्रस्थानमा रह्यो। सो कम्पनीको ५ करोड ४२ लाख बढीको सेयर कारोबार भयो।
© 2025 All right reserved to khabarcnter.com | Site By : Sobij
