२०८२ मंसिर १३ गते शनिवार
२०८२ मंसिर १३ गते शनिवार
साताको दोस्रो कारोबारको दिन (सोमबार) शेयर बजार फेरि ओरालो लागेको छ । अघिल्लो कारोबार दिन अर्थात आइतबार ९४.९२ अंक बढेर १९५६.९९ विन्दुमा बन्द भएको नेपाल स्टक एक्सेञ्च (नेप्से) परिसुचक आज फेरि २३.८५ अंकले ओरालो लागेर १९३३.१३ को बिन्दुमा झरेको छ ।
नेप्सेमा सूचीकृत २२९ कम्पनीको ५६ लाख ८ कित्ता शेयर किनबेच हुँदा २ अर्ब २ करोड ८० लाख ८८ हजार ३४२ रुपैयाँको कारोबार भएको छ ।
सो रकम बराबरको कारोबार हुँदा आज सर्वाधिक नागरिक लगानी कोषको शेयर खरिदबिक्री भएको छ । कम्पनीको आज १५ करोडमाथिको शेयर खरिदबिक्री भएको हो । कम्पनीको शेयरमूल्य आज एकैदिन ११४ रुपैयाँका दरले बृद्धि भएसँगै लगानीकर्ताहरुले धमाधम शेयर बिक्री गरेका हुन् ।
कारोबारको अन्तिम समयसम्म कारोबारमा आएका २२९ कम्पनीमध्ये ३१ कम्पनीको मात्र शेयरमूल्य बढेको छ ।
आज नागारिक लगानी कोष र ङादी ग्रुप पावरको शेयर कारोबार सकरात्मक सर्किट लेभमा भएको छ । नागारिक लगानी कोषको शेयरमूल्य ९.९९९ प्रतिशत र ङादी ग्रुप पावरको शेयरमूल्य ९.९६ प्रतिशतले बढेको छ ।
सोमबार १३ उपसमूहमध्ये दूई उपसमूहको परिसूचक बढेको छ भने बाँकी ११ उपसमूहको परिसूचक घटेको छ। यस दिन लगानी र जीवन बीमा उपसमूहको परिसूचक १ प्रतिशतभन्दा बढी बढेको छ। त्यसैगरी, विकास बैंक उपसमूहको परिसूचक यस दिन सर्वाधिक ३.५१ प्रतिशत घटेको छ भने वित्त, होटल तथा पर्यटन, जलविद्युत, अन्य र व्यापार उपसमूहको परिसूचक २ प्रतिशतभन्दा बढी घटेको छ।
© 2025 All right reserved to khabarcnter.com | Site By : Sobij
