२०८२ भाद्र ४ गते बुधवार
२०८२ भाद्र ४ गते बुधवार
सिरहाको धनगढीमाई नगरपालिकाअन्तर्गका सामुदायिक विद्यालयमा कार्यरत प्रारम्भिक बालविकास सहजकर्ता (इसीडी शिक्षक) र विद्यालय कर्मचारीले आन्दोलन सुरु गरेका छन् ।
उनीहरूले सरकारले तोकेको न्यूनतम पारिश्रमिक सात हजार रूपैयाँ माग गर्दै एक वर्षअघि नगरपालिकासमक्ष ध्यानाकर्षण पत्र बुझाएका थिए ।
नगरपालिकाले तोकिएको पारिश्रमिक नदिएपछि इसीडी शिक्षक र विद्यालय कर्मचारीले आइतबारदेखि आन्दोलन सुरु गरेका हुन् । उनीहरूले आइतबार तालाबन्दी गरेका थिए तर मेयर शिव शंकर महतोको आदेशपछि ताला खोलिएको छ ।
इसीडी शिक्षक पुनम यादवले भनिन्, ‘हामीलाई धनगढीमाई नगरपालिकाले संघीय सरकारले तोकेको तलब दिएको छैन । हामीले एक वर्षअघि नै तलब माग गर्दै नगरपालिकालाई ज्ञापनपत्र बुझाएका थियौं । अहिले दुई हजार रूपैयाँ मात्रै दिने भन्ने सुनेकी छु । हामीलाई सात हजार नै चाहिन्छ । सात हजार नदिएसम्म हामी आन्दोलन जारी राख्छौं ।’
मेयर शिव शंकर महतोले तलबबारे पुनर्विचार गर्न आफूमात्रै एक्लो नभएको कार्यापालिकाको बैठकले पारित गर्नुपर्ने बताए । उनले भने, ‘हामी एक्लै छौनौं । पुनर्विचार गर्छौं ।’
नगरपालिकाअन्तर्गतका सामुदायिक विद्यालयमा इसीडी शिक्षक र विद्यालय कर्मचारी गरि एक सय पाँच जना छन् । (वेबटिभी खबर)
© 2025 All right reserved to khabarcnter.com | Site By : Sobij
