२०८२ मंसिर १३ गते शनिवार
२०८२ मंसिर १३ गते शनिवार
काठमाडौँ । दोर्दीखोला जलविद्युत कम्पनीको २१ लाख ९५ हजार ५ सय ९ कित्ता साधारण शेयर (आईपीओ) जेठ २६ गते बिहीबारदेखि निष्काशन खुला हुने भएको छ ।
बिक्री प्रबन्धक सिद्धार्थ क्यापिटलका अनुसार कूल निष्काशन मध्ये ३ प्रतिशत अर्थात् ६५ हजार ८ सय ६५ कित्ता कम्पनीका कर्मचारी, ५ प्रतिशत अर्थात् १ लाख ९ हजार ७ सय ७५ कित्ता शेयर सामुहिक लगानी कोषहरुको लागि छुट्याएर बाँकी रहेको २० लाख १९ हजार ८ सय ६९ कित्ताको लागि सर्बसाधारणले आवेदन दिन सक्ने छन् ।
सर्वसाधारणका लागि छुट्याइएको २० लाख १९ हजार ८ सय ६९ कित्ता आईपीओ गोला प्रथाबाट २ लाख १ हजार ९ सय ७७ जनाले १०–१० कित्ता र ९ जनाले ११–११ कित्ता पाउने छन् । पछिल्लो समय २० लाख भन्दा बढीले आईपीओमा आवेदन दिने गरेकाले उक्त कम्पनीको शेयर पनि १० कित्तामात्रै भर्नु उपयुक्त देखिन्छ ।
उक्त कम्पनीको आईपीओमा जेठ ३१ गतेसम्म आवेदन दिन पाइने छ । न्यूनतम १० कित्ता र अधिकतम १७ लाख कित्तासम्मको लागि आवेदन दिन सकिने छ । कम्पनीले यसअघि आयोजना प्रभावितहरुका लागि १० लाख ५४ हजार २ सय ६० कित्ता आईपीओ बिक्री गरिसकेको छ ।
कम्पनीले लमजुङको दोर्दी गाउँपालिकामा १२ मेगावाट क्षमताको दोर्दी १ जलविद्युत आयोजना निर्माण गरिरहेको जनाएको छ ।
© 2025 All right reserved to khabarcnter.com | Site By : Sobij
