२०८२ मंसिर १३ गते शनिवार
२०८२ मंसिर १३ गते शनिवार
साताको अन्तिम कारोबारको दिन (शुक्रबार) पनि शेयर बजार भारी अंकले घटेको छ । आगामी आर्थिक वर्षको बजेट सार्वजनिक भएपछि शेयर बजार ओरालो लाग्ने क्रमले निरन्तरता पाएको छ । बजेट पछिका पाँच कारोबार दिनमा नेपाल स्टक एक्सेञ्च (नेप्से) परिसूचक १४४अंकले ओरालो लागेको छ ।
आज शुक्रबार नेप्से ३३.७६ अंकले घटेर २०७८.७० को बिन्दुमा पुगेको हो । परिसुचक १.६० प्रतिशतले घटेको छ । शुक्रबार नेप्से २१०० को बिन्दुबाट तल झरेर २०७८ कायम भएको छ ।
कूल २२६ कम्पनीको ३८ लाख ४८ हजार ५०८ कित्ता शेयर खरिदबिक्री हुदाँ १ अर्ब ३० करोड ७३ लाख ५९ हजार ५४१ रुपैयाँको शेयर कारोबार भएको छ । सो रकम बराबरको कारोबार हुदाँ एनआईसी एसिया बैंकको सर्वाधिक कारोबार भएको छ । बैंकको ६ करोड २३ लाख बढीको कारोबार भएको हो ।
शुक्रबार नेप्सेमा कारोबार भएका सबै समुहमा भारी अंकले गिरावट आएको छ । नेप्सेको तथ्याङ्क अनुसार सबैभन्दा धेरै ट्रेडिङ २.५६ प्रतिशतले घटेको भने जीवन बीमा समुहको समग्र मूल्य २.३४ प्रतिशतले घटेको छ ।
त्यस्तै, निर्जिवन बीमा समुहमा १.९२ प्रतिशतले घटेको छ भने लगानी समुहमा १.९१ प्रतिशतले घटेको छ । त्यस्तै, सामूहिक लगानी कोषमा १.७४ प्रतिशतले घटेको छ । सबैभन्दा कम अन्य क्षेत्रमा ०.८५ प्रतिशतले घटेको छ ।
© 2025 All right reserved to khabarcnter.com | Site By : Sobij
