२०८२ मंसिर १३ गते शनिवार
२०८२ मंसिर १३ गते शनिवार
विन नेपाल लघुवित्त वित्तीय संस्थाको ७ औं साधारण सभा जेठ ३१ गते सोमबार बस्दै छ | यसले गत वर्षको नाफाबाट ९.३३% बोनस सेयर र कर तिर्न ०.५% नगद लाभांश दिने प्रस्ताव सहित सभा गर्न लागेको हो |
सभा प्रयोजनका लागि कम्पनीले भोलि जेठ १८ गतेदेखि जेठ ३१ गतेसम्म बुक क्लोज गरेको छ । तसर्थ, आज मंगलबार जेठ १७ गतेसम्म कायम सेयरधनीले मात्र प्रस्तावित लाभांश हात पार्नेछन् | साधारण सभा बिहान ११ बजेबाट इन्द्रावती सामुदायिक सेवा केन्द्र, फटकशीला, सिन्धुपाल्चोकमा सम्पन्न हुनेछ |
सभामा आर्थिक वर्ष २०७७/७८ को वार्षिक प्रतिवेदन पारित गर्ने, लेखापरिक्षण प्रतिवेदन सहित आ.व. २०७७/७८ को वासलात, नाफा नोक्सान हिसाब, नगद प्रवाह विवरण सहित अनुसूची पारित गर्ने एजेन्डा रहेको छ | त्यस्तै, आ.व. २०७८/७९ को हिसाब किताब लेखापरिक्षण गर्नका लागि लेखापरिक्षण नियुक्ति गर्ने तथा निजको पारिश्रमिक तोक्ने एजेन्डा रहेको छ |
साथै, सभामा अन्य कुनै लघुवित्तसँग मर्जर वा एक्विजिसन गर्नु परेमा सम्पूर्ण कामको अख्तियरी सञ्चालक समिति दिने एजेन्डा रहेको छ । सभामार्फत संस्थापक समूहबाट ४ र सर्वसाधारण समूहबाट २ जना सञ्चालकहरुको निर्वाचन पनि हुनेछ ।
त्यस्तै, साधारणसभाले सर्वसाधारणका लागि फर्दर पब्लिक अफरिङ (एफपीओ) जारी गर्ने विषयमा पनि छलफल गर्नेछ । कम्पनीले शेयरधनी संरचनालाई ७०:३० मा परिणत गर्ने योजना बनाएको छ ।
© 2025 All right reserved to khabarcnter.com | Site By : Sobij
