Logo

२०७९ आषाढ १५ गते बुधवार

images

घिमिरेको ‘यात्रा’ लोकार्पित

घिमिरेको ‘यात्रा’ लोकार्पित

माधव घिमिरे 'अटल'

१६ जेठ २०७९
  • 1.6K
    SHARES
  • images
    घिमिरेको ‘यात्रा’ लोकार्पित
    images

    हाम्रै संस्कृतिमा प्रहार गरियो नेपालको हार हो
    नेताकै उपचार गर्न ढुकुटी यो तन्त्र बेकार हो
    नेताले करले भुँडी सव भरे चोखा यहाँ हार्दछन्
    केही कानुन छैन व्यर्थ अहिले नारी यहाँ मार्दछन्

    भर्खर सम्पन्न भएको स्थानीय चुनाव र यहाँ अकण्टक चलिराखेको तन्त्रलाई गौर गरी नियाँल्दा नियात्राकार हरिप्रसाद घिमिरेको महाकाव्यले सिङ्गो नेपाली आवाज र भोगाइलाई प्रतिविम्बित गरेको प्रतीत हुन्छ। यही ज्येष्ठ १४ गते शनिबार विमोचित 'यात्रा' महाकाव्यबाट उद्धृत उपर्युक्त श्लोकले पनि महाकाव्यको घनत्व र गहिराइबारे धेरथोर छनक दिइ नै हाल्छ ।

    284083326_708642293699949_8834374568120947420_n.jpg

    सामाखुसी साहित्य समाजद्वारा आयोजित १०८औँ रचना वाचन तथा कृति लोकार्पण कार्यक्रममा विशेष अतिथिका रुपमा आमन्त्रित चन्द्रप्रसाद न्यौपानेले कृतिको शल्यक्रिया गर्दै भने- 'यो १३सर्गीय महाकाव्यमा अठार वटा छन्द प्रयोग गरी २०७० श्लोक समावेश गरिएको छ ।' कृतिको भूमिका लेखक उनले कृतिको खुलेर प्रशंसा पनि गरे । अर्का वक्ता ईश्वरीप्रसाद घिमिरेले महाकाव्यकार हरिप्रसाद घिमिरेको व्यक्तित्व, सङ्घर्षका आयाम तथा सादगीबारे प्रकाश पारे । प्रमुख अतिथि तथा मञ्जुश्री साहित्यिक समाजका अध्यक्ष बम बहादुर थापा 'जिताली'ले महाकाव्यकार तथा कृतिबारे सारगर्भित मन्तव्य राखे ।

    284335250_2491025461028222_749383739161302236_n.jpg

    कार्यक्रममा रत्न विरही घिमिरे, धरणीधर गुरागाईं, घनश्याम प्रसाई,शारदा पराजुली,मेनुका पोखरेल आचार्य, रामचन्द्र न्यौपाने 'वनबासी',जगदीश्वर पोखरेल, राजेन्द्र पोखरेल, वासुदेव ठकुरीलगायत पाँच दर्जन स्रष्टाहरूले आआफ्ना रचना वाचन गरेका थिए । कार्यक्रमका टिप्पणीकार तथा साहित्यकार परशुराम परासरले वाचित रचनाको सटीक टिप्पणी गरेका थिए । कृतिकार हरिप्रसाद घिमिरेले रचना-गर्भबारे आफ्नो अभिमत जाहेर गरे । सम्पूर्ण आगन्तुक स्रष्टालाई धन्यवाद ज्ञापन गर्दै सभापति भाग्यशाली अधिकारीले द्वैमासिक कार्यक्रमको बिट मारे ।

    images
    प्रकाशित मिति :जेठ १६ २०७९ सोमवार - १७:५३:४७ बजे

    माधव घिमिरे 'अटल'

    सम्बन्धित समाचार