२०८२ मंसिर १३ गते शनिवार
२०८२ मंसिर १३ गते शनिवार
साताको पहिलो कारोबारको दिन (मंगलबार) शेयर बजारमा पहिरो गएको छ । कारोबारको सुरुवातबाटै ओरालो लागेको नेपाल स्टक एक्सेन्च (नेप्से) परिसुचक आज अन्तिम समयसम्म आउँदा ८४.९० अंकले घटेर २२६५.५२ को बिन्दुमा पुगेको छ ।
आज कारोबारमा आएका २२१ कम्पनीको ३५ लाख ९५ हजार ७४८ कित्ता शेयर खरिदबिक्री हुदाँ १ अर्ब ६४ करोड ४० लाख ९६ हजार १९२ रुपैंया बराबरको कारोबार भएको छ । कारोबार भएका कूल १३ उपसमूहमध्ये आज सबै वटा उपसमूहको शेयर घटेको छ ।
त्यसैगरी, मंगलबार कारोबार रकममा जाल्पा सामुदायिक लघुवित्त वित्तीय संस्था लिमिटेडले अग्रता कायम गरेको छ । संस्थाको ९ करोड ७९ लाख ९ हजार रूपैयाँ बराबरको कारोबार भएको छ ।
आज जम्मा ८ वटा कम्पनीको मूल्य बढेको छ । जसमध्ये ५ वटा म्यूचूअल फण्ड, एउटा डिबेञ्चर र २ वटा अन्य कम्पनीहरू छन् । सबैभन्दा धेरै सामुदायिक लघुवित्त वित्तीय संस्था लिमिटेडको मूल्य ४.९६ प्रतिशतले बढेर एक हजार ३ सय ९६ रूपैयाँ पुगेको छ ।
यस दिन ३ कम्पनीको शेयरमूल्यमा नकरात्मक सर्किट लागेको छ । युनाइटेड इन्स्योरेन्स, लुम्बिनी जनरल इन्स्योरेन्स र सुर्योदय वोमी लघुवित्तको शेयरमूल्यमा नकारात्मक सर्किट लागेको हो ।
© 2025 All right reserved to khabarcnter.com | Site By : Sobij
