२०८२ मंसिर १३ गते शनिवार
२०८२ मंसिर १३ गते शनिवार
आयात बढ्ने र विदेशी विनिमय सञ्चिति घट्ने समस्याले बाह्य क्षेत्र दबाबमा पर्दा यतिखेर मुलुकको अर्थतन्त्रमा केही समस्या देखिएको छ ।
यही समस्यालाई लिएर सरकारमाथि अर्थतन्त्र डामाडोल बनाएको, तर मौन बसेको आरोप लागेको छ । यही बेला सरकारले गभर्नर निलम्बन गरेपछि विरोध झनै बढेको छ ।
विपक्षी दल मोर्चा नै कसेर सरकार विरुद्धमा खनिएको छ भने सरकार यसको बचाउमा उत्रिएको छ । आइतबार पत्रकार सम्मेलन गर्दै प्रमुख प्रतिपक्षी दल नेकपा (एमाले)ले मुलुकको अर्थतन्त्र संकटोन्मुख हुँदै गर्दा सरकार मौन बसेको र आफ्नो अक्षमता लुकाउन उल्टै गभर्नरमाथि डण्डा चलाएको आरोप लगायो ।
एमालेको प्रचारप्रसार विभागद्वारा आयोजित पत्रकार सम्मेलनमा सोही पार्टीबाट यसअघि अर्थमन्त्री भएका तीन नेताले मुलुकको अर्थतन्त्र जटिल अवस्थामा पुगिसकेको तर्क गर्दै तत्काल सार्थक हस्तक्षेप नगरिए नेपाललाई श्रीलङ्का हुनबाट कसैले बचाउन नसक्ने दाबी गरे ।
मुलुकको अर्थतन्त्र जटिल अवस्थामा पुगिसक्दा समेत सरकार अतिरञ्जितमा रमाइरहेको उनीहरूले आरोप लगाए । एमालेले आफ्नो सरकारका पालामा मुलुकको सबै आर्थिक सूचकहरू ठीकठाक रहेको अवस्थामै सत्ता बुझाएकोमा पछिल्लो गठबन्धन सरकारले त्यसलाई ध्वस्त पार्ने काम गरेको समेत आरोप लगायो ।
प्रतिपक्षी दलका अध्यक्ष तथा पूर्वप्रधानमन्त्री केपी ओलीले त अझ माथि उठेर सरकारको खरो कटाक्ष नै गर्दै मुलुक आर्थिक सङ्कटमा फसिसकेको र अब सरकारले वृद्ध भत्ता समेत कटौती गर्न सक्ने अभिव्यक्ति दिइरहेका छन् ।
यस्तो छ तुलनात्मक आर्थिक सूचक
© 2025 All right reserved to khabarcnter.com | Site By : Sobij
