२०८२ मंसिर १३ गते शनिवार
२०८२ मंसिर १३ गते शनिवार
साताको अन्तिम कारोबार दिन (बिहीबार) शेयर बजार सकारात्मक देखिएको छ । ५ दिनदेखि लगातार ओरालो लागेको शेयर बजार आज दोहोरो अंकले बढेको हो ।
नेपाल स्टक एक्सचेञ्ज(नेप्से) परिसूचक ३५.६६ अंकले बढेर २४६४.३१ विन्दुमा पुगेको छ । नेप्से १.४७ प्रतिशतले बढेको हो । यस्तै, सेन्सेटिभ परिसूचक पनि ८.१३ अंकले बढेर ४६३.७३ विन्दुमा पुगेको छ ।
अन्तिम समयसम्म कारोबारमा आएका कूल २२४ वटा कम्पनीको ५४ लाख ४४ हजार ७ सय ३८ कित्ता शेयर खरिदबिक्री हुँदा २ अर्ब १२ करोड १५ लाख ११ हजार २ सय ८० रूपैयाँ बराबरको कारोबार भएको छ ।
कारोबार भएका कूल १३ उपसमूहमध्ये आज सबै उपसमूहको शेयर बढेको छ । सबैभन्दा धेरै अन्य समूह बढेको छ ।
बिहीबार नबिल बैंक लिमिटेडको सर्वाधिक कारोबार भएको छ । बैंकको ७ करोड ३८ लाख ९५ हजार रूपैयाँ बराबरको कारोबार भएको हो ।
आज हिमालयन पावर पार्टनर र नेष्डो समृद्ध लघुवित्त वित्तीय संस्था लिमिटेडको शेयरमूल्यमा सकारात्मक सर्किट लागेको छ ।
त्यसैगरी, यस दिन राष्ट्र उत्थान लघुवित्त वित्तीय संस्था लिमिटेडको शेयरमूल्य सबैभन्दा धेरै घटेको छ । संस्थाको शेयरमूल्य ७.७१ प्रतिशतले घटेर प्रतिकित्ता एक हजार ५ सय ३२ रूपैयाँमा झरेको छ ।
© 2025 All right reserved to khabarcnter.com | Site By : Sobij
