२०८२ भाद्र १५ गते आइतवार
२०८२ भाद्र १५ गते आइतवार
अर्जेन्टिनामा एक युवकले मिक्स्ड मार्सल आर्टको महिला खेलाडीको फोन चोर्न खोज्दा अनुहार रगतपच्छे हुने गरी पिटाइ खाएका छन् ।
अघिल्लो साता मार देल प्लातामा कार्यालयबाट निस्कँदै गर्दा ब्रिसा नामक ती खेलाडीको फोन एकजनाले चोरेर भागेपछि उनले लखेटेकी थिइन् ।
एकजना साथीको सहायतामा उनले चोरलाई पक्रेकी थिइन् । उसले फोन चोर्न खोजेकोमा आक्रोशित भएर ब्रिसाले मार्सल आर्ट शैलीमा मुक्का बर्साएपछि ती युवकको टाउकोबाट रगत बगेको थियो ।
ब्रिसाले उसको टाउको भुइँमा थिचेर कपाल लुछेकी थिइन् । उसको रगत बग्न थालेपछि उनले कानमा चिच्याएकी थिइन् ।
उनले भनिन्, ‘ए फटाहा, कामधन्धा गर् । मैले दिनभरि मेहनत गरेर कमाएको पैसाले किनेको फोन तैंले तीन सेकेन्डमा चोर्न मिल्छ ?’
प्रहरी नआउन्जेल उनले युवकलाई छोडिनन् । प्रहरीले युवकलाई हतकडी लगाएर लगेको स्थानीय सञ्चारमाध्यमले खबर दिएका छन् । एजेन्सी
© 2025 All right reserved to khabarcnter.com | Site By : Sobij
