चन्द्रागिरी हिल्सको एजीएम पुस २९ गते, के–के छन् प्रस्ताव ?

पौष ७, २०७८ बुधवार

5.3K

चन्द्रागिरी हिल्सको एजीएम पुस २९ गते, के–के छन् प्रस्ताव ?

चन्द्रागिरी हिल्स लिमिटेडले पुस २९ गते वार्षिक साधारण सभा गर्ने भएको छ । सभामा गत आर्थिक वर्षको वार्षिक प्रतिवेदन पेश हुनेछ । साथै, गत आर्थिक वर्षको नाफा–नोक्सान हिसाब तथा नगद प्रवाह विवरणमा पनि छलफल हुनेछ ।

सभामार्फत सर्वसाधारण समूहबाट एक जना सञ्चालकको निर्वाचन र स्वतन्त्र सञचालक नियुक्ति हुनेछ । साथै, कम्पनीको उद्देश्य थप गरी प्रबन्धपत्र संशोधन गर्ने प्रस्ताव पनि छ ।

कम्पनीले लाभांश सम्बन्धी कुनै एजेन्डा बनाएको छैन । तसर्थ, यस वर्ष चन्द्रागिरीका सेयरधनीको हात खाली हुने भएको छ । सभा चन्द्रागिरी हिल्स लिमिटेडको कार्यालय थानकाकेट, टप स्टेशन परिसरमा बिहान ११ बजे सुरु हुनेछ ।

सभा प्रयोजनका लागि पुस १६ गते बुक क्लोज हुनेछ । तसर्थ, पुस १५ गतेसम्म कायम रहने सेयरधनी मात्र सभामा भाग लिन पाउनेछन् ।