२०८२ मंसिर ७ गते आइतवार
२०८२ मंसिर ७ गते आइतवार
काठमाडौं । शेयर बजारमा तिब्र गिरावट आएको भोलिपल्ट अर्थात् मंगलवार अअर्थमन्त्री जनार्दन शर्मा र शेयर लगानीकर्ताहरुको उच्चस्तरीय कार्यदल बीच छलफल भएको छ । अर्थ मन्त्रालायमा भएको छलफलमा अर्थमन्त्री जनार्दन शर्माले पूँजीबजारको दिगो विकास र विस्तारका लागि लागिरहेको बताएका छन् ।
साथै अर्थमन्त्री शर्माले नेपाल धितोपत्र बोर्डको अध्यक्ष र नेप्सको प्रमुख कार्यकारी अधिकृत (सीईओ) को नियुक्ती पनि छिट्टै हुने पनि बताएको पूँजीबजार शुद्धीकरण बृहत कार्यदलले जारी गरेको प्रेस विज्ञप्तिमा उल्लेख छ ।
छलफलमा अर्थमन्त्री शर्माले कार्यदलले बुझाएको सबै बुँदाहरु जायज भएको भन्दै क्रमशः कार्यान्वयन गर्दै जाने पनि बताएका छन् । पूँजीबजार शुद्धीकरण बृहत कार्यदलले अर्थमन्त्री समक्ष ५८ बुँदे प्रतिवेदनमा रहेको बुँदाहरु कार्यान्वयन गर्न तथा ब्रोकरमार्फत् मार्जिन कारोबार तत्काल शुरु गर्ने बारे पनि ध्यानाकर्षण गराएको छ ।
कार्यदलका संयोजक अम्बिका प्रसाद पौडेलले मंगलवार भएको छलफलमा अर्थमन्त्री सकारात्मक देखिएको सञ्चारकर्मीहरुलाई बताएका छन् । उनले लगानीकर्ताका मागका बारेमा अर्थमन्त्री गम्भिर देखिएको पनि बताए ।
मन्त्रालयमा भएको छलफलमा अर्थमन्त्री सकारात्मक र गम्भिर देखिएको छलफलमा सहभागी अर्का एकजना सदस्यले बताएका छन् ।
© 2025 All right reserved to khabarcnter.com | Site By : Sobij
