२०८२ भाद्र २० गते शुक्रवार
२०८२ भाद्र २० गते शुक्रवार
नेपाली बजारमा मासिक २७ हजार किस्ता तिरेर अटोमेटीक कार चढ्न पाइने भएको छ । रेनोको आधिकारीक विक्रेता एड्भान्स अटोमोवाइलले नेपाली बजारमा मासिक २७ हजार किस्तामा नयाँ एसयूभी सब फोर मिटर एसयूभी काइगरको इन्ट्री भेरियन्ट आरएक्सएल एएमटी बिक्री गर्न थालेको हो ।
यो नेपाली बजारमा हालसम्म उपलब्ध अटोमेटीक कारहरुमध्ये सबैभन्दा कम मूल्यको एसयूभी हो ।
काइगरको मूल्य ३३ लाख ९९ हजार रुपैयाँ रहेकोमा कम्पनीले करिब १ लाख रुपैयाँ छुट पनि उपलब्ध गराएको छ । छुटपछि मासिक २७ हजार ३९० रुपैयाँ किस्ता तिर्नेगरी गाडी बिक्रीका लागि उपलब्ध हुने एड्भान्स अटोमोवाइलले जनाएको छ ।
यसका लागि ग्राहकले डाउन पेमेन्ट वापतको ५० प्रतिशत रकम पहिल्यै तिर्नु पर्ने हुन्छ । त्यसपछि बाँकी रहेको करिब १६ लाख ४९ हजार ५०० रुपैयाँ ७ वर्ष भित्र तिर्न सक्ने व्यवस्था छ ।
सानो ९९९ सीसी क्षमताको इन्जिन रहेको इन्जिन भएको काइगर उत्कृष्ट माइलेज दिने कार हो । अधिकतम ७१ पीएस पावर प्रदान गर्ने उक्त ईन्जिनको कारले प्रतिलिटर १९ किलोमिटर माइलेज प्रदान गर्छ ।
कारमा २५०० एमएमको ह्वीलवेस, ४० लिटर क्षमताको इन्धन ट्याङ्की, ४०५ लिटरको बुट स्पेश २०५ एमएमको ग्राउन्ड क्लियरेन्स रहेको कम्पनीले जनाएको छ ।
उत्कृष्ट डिजाइनमा बनेको काइगरमा सुरक्षाको लागि दुई एयरव्याग, एबीएस, इबीडी, सेन्ट्रल लकिङ, पावर विन्डो, पावर डोर लक, चाइल्ड सेफ्टी लक, अगाडि डिस्क र पछाडि ड्रम ब्रेक दिइएको छ । काइगरको लम्बाई ३९९१ एमएम, चौडाई १७५० एमएम र उचाई १६०५ एमएम रहेको छ ।
© 2025 All right reserved to khabarcnter.com | Site By : Sobij
