२०८२ भाद्र ८ गते आइतवार
२०८२ भाद्र ८ गते आइतवार
डाँडा पाखा हरियाली मेरो ठूलो गाउँ ।
न त जाडो न त गर्मी गोरखा हजुर ठाउँ ।।
मान्छे थे नि वीर वीरङ्गना थेन छलछाम ।
मनमोहक वातावरण आउनोस् घुम्न जाम ।।
सबैतिर अग्ला डाँडा तिनमा छन्नि कोट ।
कोटमै बसी लडे वीरले नराखी खोट ।
इतिहास खोतल्नलाई त्यतैतिर पुगौँ ।
द्रव्यशाह राजा हुन् नि लिगलिग कोटमा जुटौँ ।।
नौमति र सारङ्गीको धुन सुन्ने भए ।
मौलिकता संस्कृतिको रस चाख्ने भए ।।
आउनुस हजुर एकचोटि लिगलिग घुम्न जाऔँ ।
वीरहरुको उर्वर भूमि गोरखातिर लागौँ ।।
लालीगुराँस फूल फुल्छन् धेरै थरी यहाँ
होमस्टेको निर्माण पनि भाको छ त्यहाँ ।।
सल्लासँग सुसेलेर अग्ला हिमाल हेर्न ।
देखिन्छ नि लम्जुङ, तनहुँ, कास्की, चितवन ।।
इतिहास र प्रकृतिको रमणीय ठाउँ ।
लिगलिगकोटको छहारीमा सधैँ बस्न पाउँ ।।
माछापुच्छे्र, अन्नपूर्ण, बौद्व, मनासुलू ।
गणेशका सबै हिमाल देख्न पनि पाउनु ।।
डाँडा पाखा हरियाली मेरो ठूलो गाउँ ।
लिगलिगको छेउमै अर्काे हर्मीकोट नाउँ ।।
© 2025 All right reserved to khabarcnter.com | Site By : Sobij
