२०८२ भाद्र ८ गते आइतवार
२०८२ भाद्र ८ गते आइतवार
काठमाडौं ।विद्यालय कर्मचारीको न्युनतम पारिश्रमिकबारे नेपाल विद्यालय कर्मचारी परिषद् नगर कार्यसमिति जमिनी नगरपालिका, बाग्लुङले शिक्षा, विज्ञान तथा प्रविधि मन्त्रालयलाई ज्ञापनपत्रमार्फत् ध्यानाकर्षण गराएको छ । मन्त्रालयलाई सम्बोधन गरी शनिबार (११ मंसीर) लेखिएको ज्ञापनपत्रमा कर्मचारीको न्युनतम पारिश्रमिकबारे ध्यानाकर्षण गराइएको हो ।
‘सामुदायिक विद्यालयमा कार्यरत विद्यालय कर्मचारीहरू लामो समयदेखि न्युन पारिश्रमिकमा काम गर्दै आइरहेको व्यहोरा अनुरोध गर्दछौं । नेपाल सरकारले समय समयमा तलवमान निर्धारण गर्दा पनि सो अनुसार हुन नसकेको अवस्था रहेको छ । विनियोजित अनुदान रकमले विद्यालय कर्मचारीको पेशामा अन्योलता सृजना गरेको छ ।
सामुदायिक विद्यालय कर्मचारीलाई अन्य शिक्षकसरह शिक्षा ऐनमा व्यवस्था गरी दरवन्दी सृजना गरी सोअनुसारको तलवमान सेवासुविधा सुनिश्चित गरिदिनुहुन नेपाल विद्यालय कर्मचारी परिषद् जमिनी नगर कार्यसमिति हार्दिक अनुरोध गर्दछौं,’ अध्यक्ष भूषण आचार्य र सचिव विमल शर्माद्वारा हस्ताक्षरीत पत्रमा भनिएको छ ।
देशभरका विद्यालय कर्मचारी (परिचर र लेखापाल) न्युनतम पारिश्रमिक र सेवासुविधाको माग गर्दै आन्दोलित छन् । कर्मचारीहरूसँगै प्रारम्भिक बालविकास सहजकर्ता (इसीडी शिक्षक) पनि आन्दोलित भएका छन् ।
विद्यालय कर्मचारी र इसीडी शिक्षकको पारिश्रमिक निकासा सम्बन्धि आर्थिक वर्ष २०७८/७९ को बुँदा नं.२१६ मा व्यवस्था भएअनुसार सात हजार रूपैयाँ स्थानीय तहले निकासा दिनुपर्ने स्पष्ट व्यवस्था हुँदाहुँदै हालसम्म निकासा नपाएको हुँदा उनीहरू आन्दोलनमा उत्रिएका हुन् । (वेबटिभी खबर)
© 2025 All right reserved to khabarcnter.com | Site By : Sobij
