२०८२ भाद्र ३ गते मंगलवार
२०८२ भाद्र ३ गते मंगलवार
काठमाडौं । सत्ता साझेदार जनता समाजवादी पार्टी, नेपाल (जसपा)का युवा नेता रोशन पोखरेलले सरकारी तलबभत्ता र सेवासुविधा लिएका शिक्षक तथा कर्मचारीले आफ्ना छोराछोरीलाई अनिवार्य सरकारी विद्यालयमा पढाउनु पर्ने बताएका छन् ।
सरकारी कर्मचारीले आफ्ना छोराछोरी सरकारी विद्यालयमै अनिवार्य रूपमा पढाउने हो भने सरकारी विद्यालयको शैक्षिकस्तर सुधार हुने नेता पोखरेलको तर्क छ । उनले यसतर्फ सोच्न शिक्षामन्त्री देवेन्द्र पौडेलको ध्यानाकर्षणसमेत गराएका छन् ।
सरकारी विद्यालयका शिक्षकलगायतको छोराछोरी निजी विद्यालयमा पढाउने र उनीहरू (शिक्षक)ले पढाएका विद्यार्थीहरू योग्य र सक्षम हुन्छन् भनेर कसरी विश्वास गर्ने भन्दै नेता पोखरेलले शिक्षामन्त्री देवेन्द्र पौडेललाई प्रश्न समेत गरेका छन् ।
‘सरकारी तलबभत्ता,सेवासुविधा लिएका सबैका छोराछोरीलाई अनिवार्य सरकारी विद्यालयमा पढाउनु पर्ने गरौं अनि मात्र सरकारी विद्यालयको शैक्षिकस्तर सुधारतर्फ जानेछ,’ नेता पोखरेलले भने, ‘सरकारी विद्यालयका शिक्षक र प्रधानाध्यापक लगायतको छोराछोरी निजी विद्यालयमा पढाउने अनि उनीहरूले पढाएका विद्यार्थीहरू योग्य र सक्षम हुन्छन भनेर कसरी विश्वास गर्ने शिक्षामन्त्रीज्यू ?’
© 2025 All right reserved to khabarcnter.com | Site By : Sobij
