२०८२ मंसिर ८ गते सोमवार
२०८२ मंसिर ८ गते सोमवार
सवारी तथा मालबाहक साधन रोक्दै तथा बजार बन्द गराउँदै हिँडेका १२ जनालाई प्रहरीले नियन्त्रणमा लिएको छ ।
रुकुम पश्चिमको सदरमुकामका विभिन्न ठाउँमा बन्द गराउँदै हिँडेका उनीहरुलाई प्रहरीले नियन्त्रणमा लिएको हो । नेकपाको चन्द समूह निकट अखिल क्रान्तिकारी रुकुम पश्चिमका अध्यक्ष सोमपाल कामीसहित १२ जनालाई नियन्त्रणमा लिइएको जिल्ला प्रहरी कार्यालयका प्रहरी निरीक्षक डेकेन्द्र शर्माले जानकारी दिए ।
मठ तथा बागबजार क्षेत्रबाट उनीहरुलाई नियन्त्रणमा लिइएको प्रहरी निरीक्षक शर्माले बताए । गन्तव्यमा हिँडेका यात्रु र सवारीलाई सकेसम्म सुरक्षा प्रदान गरिरहेको प्रहरीको भनाई छ ।
सदरमुकाममा बन्दको प्रभाव भने परेको छ । बिहानैदेखि यातायातका साधन चलेका छैनन् भने बजार पनि खुलेका छैनन् । निजी तथा सामुदायिक विद्यालयका विद्यार्थीहरु पनि विद्यालय गएका छैनन् ।
© 2025 All right reserved to khabarcnter.com | Site By : Sobij
