२०८२ मंसिर ८ गते सोमवार
२०८२ मंसिर ८ गते सोमवार
ओखलढुंगा । सोमबार बिहान ओखलढुंगाको च्यानमबाट चम्पादेवी ककनी जाँदै गरेको बोलेरो दुर्घटना हुँदा ३ जनाको मृत्यु भएको छ।
एकादशी मेलाका लागि ककनी जाने तिर्थालु बोकेको प्रदेश नम्बर ३ ०१०२२ च ९६९४ नम्बरको बोलेरो जिल्लाकाे सुनकोसी गाउँपालिका ९ सिकारीडाँडामा दुर्घटना भएको हो।
दुर्घटनामा ३ जनाको घटनास्थलमै मृत्यु भएको र १३ जना घाइते भएको ओखलढुंगाका डीएसपी गोविन्दराज काफ्लेले जानकारी दिए ।
काफ्लेका अनुसार दुर्घटनामा वर्ष ३५ की मिठुमाया मगर, वर्ष १६ की तुलसा मगर र खगेन्द्र मगरको मृत्यु भएको छ । उनीहरू सिद्धिचरण नगरपालिका–१० बेतिनीका स्थानीय हुन् । ककनीमा एकादशी मेला भर्न जिल्लाका अधिकांश ठाउँबाट मानिसहरू जाने गर्दछन् ।
घाइतेमध्ये गम्भीर अवस्थाका चार जनालाई उपचारका लागि हेलिकप्टरमार्फत काठमाडौं लैजाने तयारी भइरहेको काफ्लेले बताए।
© 2025 All right reserved to khabarcnter.com | Site By : Sobij
