२०८२ मंसिर ८ गते सोमवार
२०८२ मंसिर ८ गते सोमवार
काठमाडौँ । नेपाल र अमेरिकी सेनाबीचको सैन्य अभ्यास सुरु भएको छ । छाउनीस्थित रेन्जर गणमा नेपाल र अमेरिकी सेनाबीचको सैन्य अभ्यास सोमबारबाट सुरु भएको हो ।
नेपाली सेनाको विशेष फौज बाहिनीका बाहिनीपति सहायक रथी ध्रुव प्रकाश शाहले उक्त सैन्य अभ्यासको सुभारम्भ गरेका हुन् ।
सो समारोहमा नेपालस्थित अमेरिकी दूतावासका ‘अफिस अफ डिफेन्स को(अपरेशन (ओडीसी)का प्रमुखलगायतका सैन्य अधिकारीहरुको उपस्थित रहेको सैनिक जनसम्पर्क निर्देशनालयले जनाएको छ।
मंसिर १४ सम्म चल्ने सैन्य अभ्यासमा नेपाली सेनाका ५० र अमेरिकी सेनाका २० जना विशेष फौजको सहभागिता रहेको छ । नेपाली र अमेरिकी सेनाबीचको सैन्य अभ्यास काठमाडौं, पोखरा र अन्नपूर्ण वेश क्याम्पमा हुनेछ।
सैन्य अभ्यास पानी र हिमाली क्षेत्रमा गरिने उद्दारमा केन्द्रीत हुनेछ । नेपाली र अमेरिकी सेनाबीच जल र उच्च पहाडी तथा हिमाली क्षेत्रमा खोज तथा उद्दारका विषयमा अभ्यास हुनेछ । अमेरिकी सेनाहरुले मुख्यतः पानी र हिमाली क्षेत्रमा फसेकाहरुलाई कसरी उद्दा गर्ने भन्ने विषयमा नेपाली सेनालाई प्रशिक्षित गर्नेछ।
© 2025 All right reserved to khabarcnter.com | Site By : Sobij
