२०८२ भाद्र २ गते सोमवार
२०८२ भाद्र २ गते सोमवार
प्राकृतिक बिपत्ति निम्तिरहने देश जापानमा एक अर्गस्थानमा आउने खागोशिमामा फेरि एउटा ठूलो ज्वालामुखी बिस्फोट भएको छ । जापानको खागोशिमा प्रिफेक्चरको दक्षिण पश्चिमी टापुमा सोमबार बिहान ज्वालामुखी विस्फोट भएको हो । जापान मौसम विज्ञान एजेन्सीका अनुसार बिहान २ बजेर ४८ मिनेटमा सुवानोसेजिमा टापुमा विस्फोट भएको हो ।
स्थानीय समाचारहरुले एजेन्सीका अधिकारीलाई उद्दृत गर्दै प्रकाशित गरेका समाचारअनुसार विस्फोटबाट जलेका ठूला चट्टानहरु करिव दुई किलोमिटर टाढासम्म पुगेको थियो ।
उक्त टापुमा आवासीय क्षेत्र ज्वालामुखी विस्फोट भएको स्थानभन्दा चार किलोमिटरमात्र टाढा रहेको छ । स्थानीय अधिकारीहरूको अनुसार डिसेम्बर १ तारिखमा उक्त टापुमा ८१ जना बासिन्दा रहेको थियो । त्यहांको अवस्थाबारे थप विवरण आउन बांकी रहेको स्थानीय संचारमाध्यमहरुले जनाएका छन् ।
मौसम एजेन्सीका अधिकारीहरुले ज्वालामुखी विस्फोट भएको स्थानको करिब २ किलोमिटरभन्दा भित्री क्षेत्रमा ठूला चट्टानहरू खस्ने सम्भावना रहेकोले सचेत रहन चेतावनी जारी गरेका छन् । मानिसहरूलाई ज्वालामुखीको खरानी र हावामा उडाएर लैजाने साना चट्टानहरूबाट जोगिन सावधानी अपनाउन समेत आग्रह गरिएको छ ।
© 2025 All right reserved to khabarcnter.com | Site By : Sobij
