२०८२ भाद्र २ गते सोमवार
२०८२ भाद्र २ गते सोमवार
काठमाडौं । शिक्षा मन्त्रालय र नेपाल शिक्षक महासंघबीच २०७५ सालमा भएको सहमति कार्यान्वयन नभएको भन्दै महासंघले आज सरकारको ध्यानाकर्षण गराएको छ । महासंघले आज शिक्षा, विज्ञान तथा प्रविधिमन्त्री देवेन्द्र पौडेललाई भेटेर ३४ सुत्रिय मागबारे ध्यानाकर्षण गराएको हो ।
महासंघले जारी गरेको ध्यानाकर्षणपत्रमा भनिएको छ, ‘वि.स. २०७५ फाल्गुण ९ गते शिक्षा मन्त्रालय र ने.शि. महासंघबीच भएको महत्वपुर्ण सहमतीका बुँदाहरु आजका मितिसम्म कार्यान्वयन भएका छैनन् ।
यसबाट स्थायी, अस्थायी करार राहत, बालकक्षा, साविक उमावि लगायतका सबै प्रकारका शिक्षकहरु तथा विद्यालय कर्मचारीको हकमा भएका महत्वपुर्ण सम्झौता त्यसै अलपत्र परेको अवस्था छ ।’
संघले ३४ सुत्रीय माग राखी गत बैशाख २० गतेबाट निरन्तर आन्दोलन गरिरहेको छ । संघले कात्तिक २८ गतेबाट देश भरिकै शिक्षक कर्मचारी काठमाडौमा उपस्थित भई दबाबमुलक सडक आन्दोलन गर्ने लक्ष्मीकिशोर सुवेदी महासचिव र कमलादेवी तुलाधर अध्यक्षद्धारा हस्ताक्षर गरिएको ध्यानाकर्षण पत्रमार्फत जानकारी दिएको छ ।
© 2025 All right reserved to khabarcnter.com | Site By : Sobij
