२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौँ । सरकारले ६ जना सहसचिवको सरुवा गरेको छ । संघीय मामिला तथा सामान्य प्रशासन मन्त्रीसमेत रहेका प्रधानमन्त्री शेरबहादुर देउवाले मङ्गलवार मन्त्रीस्तरीय निर्णय गर्दै ६ सहसचिवको सरुवा गरेका हुन् ।
जसमा वाणिज्य, आपूर्ति तथा उपभोक्ता संरक्षण विभागका महानिर्देशक प्रकाश पौडेललाई प्रधानमन्त्री तथा मन्त्रिपरिषद्को कार्यालयमा सरुवा गरिएको छ । उनलाई राजश्व अनुसन्धान विभागको महानिर्देशक पठाउने तयारी छ ।
राजस्व अनुसन्धान विभागका महानिर्देशक रामप्रसाद आचार्यको गण्डकी प्रदेशको मुख्यमन्त्री तथा मन्त्रिपरिषद्को कार्यालयमा सरुवा भएको छ ।
यस्तै स्वास्थ्य सेवाका ११ औँ तहका सहसचिव बद्रीबहादुर खड्का बागमती प्रदेशको नवगठित स्वास्थ्य मन्त्रालयको सचिवमा सरुवा गरिएको छ । राष्ट्रिय पुनर्निर्माण प्राधिकरणमा काजमा रहेका पदमराज मैनालीको सहरी विकास मन्त्रालयमा सरुवा भएको छ ।
राजश्व अनुसन्धान विभागका उपमहानिर्देशक शिवलाल तिवारीको प्रधानमन्त्री तथा मन्त्रिपरिषद्को कार्यालय र भूमि व्यवस्था, कृषि तथा सहकारी मन्त्रालय सुदूर पश्चिमबाट केहि दिन अघि मात्रै संघमा सरुवा भएर आएका डा. किसनलाल भट्टको भूमि व्यवस्था, कृषि तथा सहकारी मन्त्रालय कर्णाली प्रदेशमा सरुवा भएको हो ।
© 2025 All right reserved to khabarcnter.com | Site By : Sobij
