२०८२ मंसिर १४ गते आइतवार
२०८२ मंसिर १४ गते आइतवार
काठमाडौं । झण्डै सात लाख सेवाग्राही सवारीसाधनको लाइसेन्स ट्रायल खुल्ने प्रतिक्षामा छन् । तर स्वास्थ्य तथा जनसंख्या मन्त्रालयले कोरोनाको तेस्रो लहरको चेतावनी दिइरहँदा तत्काल ट्रायल र अनलाइन आवेदन खोल्नेमा संशय कायम छ ।
यातायात व्यवस्था विभागले पहिलो चरणमा ट्रायल परीक्षा सञ्चालन गर्ने तयारी गरेको छ । स्वास्थ्य मापदण्डहरू पालना गर्दै ट्रायल खुलाउने योजना विभागले ल्याए पनि कोभिड-१९ संक्रमण व्यवस्थापन केन्द्र (सीसीएमसी)ले अनुमति नदिँदा यो प्रक्रिया अगाडि बढ्न सकेको छैन ।
‘हामीले सीसीएमसीलाई लाइसेन्सको ट्रायल खुलाउन प्रस्ताव राखेका छौं । यद्यपि सुरक्षाको कारण देखाउँदै अहिलेसम्म कुनै निर्णय हुन सकेको छैन । हामी निरन्तर छलफलमा छौं,’ विभागका सूचना अधिकारी लोकनाथ भुसालले भने ।
लाइसन्स ट्रायल कहिलेदेखि खुल्छ भनेर अहिले नै भन्न नसकिने उनले बताए । लाइसन्स ट्रायल नखुली अनलाइन आवेदनको पनि टुङ्गो नलाग्ने उनको भनाइ छ ।
त्यस्तै विभागले सवारीचालक अनुमतिपत्रको प्रयोगात्मक परीक्षा (ट्रायल) पास गरेका चालकका लागि साउनदेखि क्यूआर कोडसहितको छुट्टै कार्ड जारी गर्ने भने पनि कोरोनका कारण काम केही पछि सरेको छ । भुसालका अनुसार अबको एकरडेढ महिनाभित्र यो काम सकिने छ ।
© 2025 All right reserved to khabarcnter.com | Site By : Sobij
