२०८२ भाद्र २ गते सोमवार
२०८२ भाद्र २ गते सोमवार
काठमाडौं । खानेपानी मन्त्री बीना मगरले मन्त्री पदबाट राजीनामा दिने चेतावनी दिएकी छन् । सत्तारुढ नेकपा अध्यक्ष तथा पूर्वप्रधानमन्त्री पुष्पकमल दाहाल प्रचण्डकी बुहारीसमेत रहेकी बीनाले एक रुपैयाँ भ्रष्टाचार गरेको प्रमाण देखाए मन्त्री पदबाट राजीनामा दिने प्रतिबद्धता जनाएकी हुन् ।
मेलम्ची खानेपानीको काम समयमै निर्माण सम्पन्न हुन नसकेको र प्रचण्डका कारण मन्त्री पदमा रहिरहेको टिप्पणीकाबीच उनले भ्रष्टाचार गरेको प्रमाण देखाए राजीनामा दिने बताएकी हुन् ।
यसबारे सोमबार सामाजिक सञ्जाल ट्वीटरमा मन्त्री बीनाले लेखेकी छन्, ‘आज म प्रतिज्ञा गर्छु, खानेपानी मन्त्रालयमा एक रुपैयाँ भ्रष्टाचार गरेको प्रमाण देखाउनुस्, म राजीनामा दिन्छु । देश समृद्ध बनाएरै छाड्छौँ ।
कोरोना महामारीका कारण निर्माण सामग्री र जनशक्ति दुवैमा समस्या भएका कारण मेलम्ची खानेपानी आयोजनाको काम समयमै सम्पन्न हुन नसक्ने आयोजनाले जनाएको छ ।
सुरुङसँगै ‘हेडवर्क्स’ को बाँकी काम २०७७ पुसमा सम्पन्न गर्ने गरी सरकारले गत वर्ष असोजमा चिनियाँ निर्माण कम्पनी सिनो हाइड्रोलाई जिम्मेवारी दिएको थियो। तर, तोकिएको अवधि आगामी पुसमा नसकिने आयोजनाले स्पष्ट पारेको छ ।
© 2025 All right reserved to khabarcnter.com | Site By : Sobij
