२०८२ कार्तिक २० गते बिहिवार
२०८२ कार्तिक २० गते बिहिवार
रोल्पा । रोल्पामा अविरल वर्षाका कारण घरमाथिबाट आएको पहिरोमा परि घर पुरिँदा ३ जनाको मृत्यु भएको छ ।
गएराति साढे १२ बजेतिर आएको पहिरोमा परेर रोल्पा नगरपालिका–९ ह्वामाका टिकासिङ बुढाको घर पुरिँदा उहाँकी ८६ वर्षीया आमा करती बुढा, १८ वर्षीया बुहारी सुशीला बुढा र १५ वर्षीया छोरी श्यामकला बुढाको मृत्यु भएको हो ।
त्यही घरमा सुतिरहेका टिकासिङसहित अन्य ३ जना भने सकुशल रहेको जिल्ला प्रहरी कार्यालय रोल्पाका प्रहरी निरीक्षक सन्तोष केसीले जानकारी दिनुभयो ।
बिहानैदेखि टेलिफोनमा आएको समस्याका कारण थप विवरण आउन नसकेको र प्रहरी नायब उपरीक्षक नरेश सुवेदी नेतृत्वको टोली घटनास्थल पुग्नै लागेकाले थप विवरण आउन बाँकी रहेको केसीले बताउनुभयो ।
© 2025 All right reserved to khabarcnter.com | Site By : Sobij
