२०८३ कार्तिक ८ गते आइतवार
२०८३ कार्तिक ८ गते आइतवार
.gif)
ताप्लेजुङ । ताप्लेजुङस्थित प्रसिद्ध तीर्थस्थल पाथीभराको दर्शनमा हिडेकी एक महिलाको मृत्यु भएको छ । प्रहरीका अनुसार पाल्पाको रानादेवी गाउँपालिका –८ की ४४ वर्षीया सरु हिस्की मगरको आइतबार मृत्यु भएको हो ।
जिल्ला प्रहरी कार्यालय ताप्लेजुङका सूचना अधिकारी एवम् प्रहरी निरीक्षक विन्देश्वर यादवका अनुसार मगरको सदरमुकाम फुङ्लिङ बजारमा मृत्यु भएको छ । आफ्ना श्रीमान इन्द्र हिस्की मगरसहित पाथीभरा दर्शनमा हिड्नुभएकी मगरको फुङ्लिङ बजारमा आइपुग्ने वित्तिकै मृत्यु भएको हो ।
फुङ्लिङ बजार आइपुगेपछि गाडीबाट ओर्लिनासाथ रिँगटा लागेको भन्दै बेहोस भएको प्रहरी निरीक्षक यादवले जानकारी दिए । प्रहरी निरीक्षक यादवका अनुसार बेहोस भएपछि उनका आफन्तले तत्काल उपचारका लागि तमोर अस्पताल पु¥याएका र उपचारको क्रममा दिउँसो ४ः१५ बजे चिकित्सकले मृत घोषणा गरेका थिए ।
तीर्थयात्री मगरको मृत्युबारे तमोर अस्पतालबाट नै जिल्ला प्रहरी कार्यालयमा जानकारी भएपछि प्रहरी निरीक्षक विद्यालालकुमार साहको नेतृत्वमा प्रहरी टोली खटेर कानुनी प्रक्रिया र घटनाबारे अनुसन्धान अघि बढाएको जनाइएको छ ।
पाथीभरा दर्शनमा हिडेको उहाँहरुको टोली दिउँसो ३ः३० बजे फुङ्लिङ बजार आइपुगेको प्रहरीले जनाएको छ ।
© 2026 All right reserved to khabarcnter.com | Site By : Sobij
