२०८३ कार्तिक ५ गते बिहिवार
२०८३ कार्तिक ५ गते बिहिवार
.gif)
खोटाङ । विद्युत् सर्टका कारण आगलागी हुँदा हलेसी तुवाचुङ नगरपालिका–६ मंगलटारमा दुई घर जलेर नष्ट भएको छ ।
मंगलटारका स्थानीयवासी कृष्णकुमार राईको घरमा जडान गरिएको विद्युत् फल्ट हुँदा उनका दुईवटा घर जलेर नष्ट भएको हो । जस्तापाताको छाना तथा ढुंगा माटोले बनेको दुईतले घरमा विद्युत्को फल्ट भएर आगलागी भएको प्रहरीको प्रारम्भिक अनुमान छ ।
स्थानीयवासी र प्रहरी टोलीले आगो निभाएको कृष्णकुमारका जेठा छोरा रम्बोहाङ राईले जानकारी दिए । आगलागीबाट कृष्णकुमारको दुईवटा घर तथा घरभित्र रहेको नगद २० हजार, लत्ताकपडा, भाँडावर्तन, खाद्यान्न, महत्त्वपूर्ण कागजातलगायत जलेर नष्ट भएको जनाइएको छ ।
आगलागीका घटनाको यकिन विवरण आउन बाँकी रहेको जिल्ला प्रहरी कार्यालय खोटाङका प्रमुख प्रहरी नायब उपरीक्षक प्रकाश बुढाथोकीले जानकारी दिए ।
© 2026 All right reserved to khabarcnter.com | Site By : Sobij
