२०८२ भाद्र २५ गते बुधवार
२०८२ भाद्र २५ गते बुधवार
दाङ । दाङस्थित राप्ती नदीको टापुमा १९ घण्टादेखि फसेका चार जनाको सशस्त्र प्रहरी बलले उद्दार गरेको छ ।
लमही नगरपालिका—७ हसनापुर र राजपुर गाउँपालिका—२ बेला स्थित राप्ती नदिकोबीच टापुमा मंगलबार दिउँसो २ बजेदेखि फसेका चार जनाको उद्दार गरिएको सशस्त्र प्रहरीका प्रवक्ता डिआइजी राजु अर्यालले जानकारी दिए ।
दुबै तिर राप्तीको नदी बग्ने र बीचमा रहेको टापुमा दिउँसो बस्तु चराउन पुगेका उनीहरु अबिरल वर्षासँगै राप्तीमा बाढी आएपछि करिब ५० वटा गाइ बस्तुसँग अलपत्र परेका थिए ।
उद्दार गरिएका ब्यक्तिहरुमा लमही ७ बस्ने वर्ष ४८ का मन्सराम चौधरी, राजपुर २ बस्ने वर्ष ५० कि साबित्री यादव, सोही ठाउँ बस्ने वर्ष २६ का राधेश्याम यादव र राजपुर ३ बस्ने वर्ष २५ का गणेश यादव रहेका छन् ।
राति ९ बजे उनीहरु फसेको जानकारी आए पनि रातको समयमा पानीको अत्यधिक बहाबका कारण उद्दारमा कठिनाई भएको थियो ।
बुधबार बिहानै सशस्त्र प्रहरी बल नम्बर २९ ज्वालामाई गणबाट सशस्त्र प्रहरी उपरीक्षक टोपबहादुर खनाल र नम्बर ४१ रिजर्ब गण चन्द्रौटा कपिलबस्तुबाट सशस्त्र प्रहरी उपरीक्षक यादब बिश्वकर्माकोको कमान्डमा गएको विपद् ब्यबस्थापन सहितको टोलीले ९ बजे चारै जनाको उद्दार गरि घर पठाएको हो । उनीहरुले चराउन लिएर गएका गाइबस्तु चाहिँ टापुमै रहेका छन् ।
© 2025 All right reserved to khabarcnter.com | Site By : Sobij
