२०८२ भाद्र २४ गते मंगलवार
२०८२ भाद्र २४ गते मंगलवार
डोटी । डोटीको दिपायल सिलगढी नगरपालिका ४ समुहगाढमा जीप दुर्घटना हुँदा एक जनाको मृत्यु भएको छ । दुर्घटनामा अर्का एक जना घाइते भएका छन् ।
दुर्घटनामा कैलालीको धनगढी उपमहानगरपालिका ५ तारानगरका ५० वर्षीय जीप चालक हुकुम शाहको मृत्यु भएको प्रहरीले जनाएको छ । त्यस्तै बाजुराको बूढीगङ्गा नगरपालिका ८ का २६ वर्षीया देवकुमारी शाह घाइते भएको हो ।
घाइते शाहको को दिपायल पिपल्लामा रहेको शैलेश्वरी अस्पतालमा उपचार भइरहेको र शाहको अवस्था गम्भीर रहेको उपचारमा संलग्न स्वास्थ्यकर्मीले जनाएका छन् ।
जिल्ला प्रहरी कार्यालय डोटीका प्रहरी निरीक्षक (इन्स्पेक्टर) कान्तिराज जोशीका अनुसार कैलालीबाट ब्रोइलर कुखुराका चल्ला र दाना लिएर आउँदै गरेको सु. प्र. प. ००१००१ च २६१५ नम्बरको जीप शुक्रवार बिहान पौने पाँच बजे दुर्घटनामा परेको हो ।
जीप अनियन्त्रित भइ सडकबाट झन्डै एक सय मिटर तल खसेको उहाँले बताउनुभयो ।
© 2025 All right reserved to khabarcnter.com | Site By : Sobij
