२०८३ श्रावण २८ गते बिहिवार
२०८३ श्रावण २८ गते बिहिवार
.gif)
जनकपुरधाम । सिरहाको सुखीपुर नगर अस्पतालका प्रमुखले एक महिनाको हाजिरी एकै दिन गरेको पाइएको छ । सुखीपुर नगरपालिकास्थित नगर आधारभूत अस्पतालका कार्यालय प्रमुख तथा चिकित्सक डा. लुस्युनकुमार यादवले साउन नसकिँदै महिनाको अन्तिम मितिसम्म हाजिरी रजिस्टरमा हस्ताक्षर गरेको पाइएको हो ।
सार्वजनिक भएको हाजिरी रजिस्टरमा साउन १२ गते मात्र पुगेको थियो । तर, सोही रजिस्टरमा डा. यादवले साउन २८ गतेसम्मको उपस्थितिमा एकैपटक हस्ताक्षर गरेको भन्दै अहिले आलोचना भइरहेको छ । यस विषयमा प्रतिक्रिया माग्दा डा. यादवले एकैदिन हाजिरी गरेको कुरा स्वीकार गरे । तर, थप प्रतिक्रिया दिन मानेन ।
घटनाबारे सुखीपुर नगरपालिकाका नगर प्रमुख रामऔतार यादवले सत्य बुझेर मात्रै प्रतिक्रिया दिने बताए । डा. यादव नगर प्रमुखका छोरा हुन् । उनी नगर आधारभूत अस्पतालमा करार सेवामा चिकित्सक तथा कार्यालय प्रमुखको जिम्मेवारीमा कार्यरत छन् ।
© 2026 All right reserved to khabarcnter.com | Site By : Sobij
