२०८२ भाद्र १३ गते शुक्रवार
२०८२ भाद्र १३ गते शुक्रवार
काठमाडौं । रुपन्देहीको भैरहवामा रहेको युनिभर्सल मेडिकल कलेज शिक्षण अस्पतालमा कार्यरत एक डाक्टरको कोरोनाको संक्रमणबाट मृत्यु भएको छ । उनको काठमाडौँको ग्राण्डी अस्पतालमा उपचारका क्रममा बुधबार राती मृत्यु भएको हो ।
शिक्षण अस्पताल भैरहवाका प्रशासन प्रमुख शुशिल गुरुङका अनुसार धेरै संक्रमितको ज्यान बचाएका डा. पशुपती रजौरियाको ३५ वर्षको उमेरमा कोरोनाले मृत्यु भएको हो । भर्खरै विवाह गरेका श्रीमान श्रीमति नै कोभिडसंगै लडिरहेका थिए ।
श्रीमति डा. हसिना वानुले कोरोना परास्त गरेपनि डा. रजौरियाले हारेका छन् । उनीहरु दुवै जना भैरहवाको सोहि अस्पतालमा कार्यरत थिए । श्रीमति वानु प्रसुती तथा स्त्री रोग विशषज्ञ हुन् । उनीहरुको केही समयअघि मात्रै विवाह भएको थियो ।
छोटो समयमै राम्रो पहिचान बनाईसकेका डा. रजौरियाको निधनले यस क्षेत्रका स्वास्थ्यकर्मीहरु स्तब्ध बनेका छन् । निकै राम्रो र लगनशिल डाक्टर गुमाउनु परेकोमा अस्पताल परिवार स्तब्ध रहेको गुरुङले बताएका छन् । उनको घर कपिलवस्तु रहेको पनि अस्पताल प्रशासनले जानकारी जनाएको छ ।
कोरोनाका कारण सोहि मेडिकल कलेजमा मात्रै १ सय ६० जना स्वास्थ्यकर्मीहरु संक्रमित भएका छन् । उनिहरु मध्ये अधिकाशले जितेका छन् । डा रजौरियाले कोभिड विरुद्धको खोप नलाएको अस्पतालको रेकर्ड शाखाले जनाएको छ । भर्खरु विवहा गरेका उनिहरु दुवै जनाले खोप लगाउन ईन्कार गरेका थिए ।
© 2025 All right reserved to khabarcnter.com | Site By : Sobij
