Logo

२०८२ भाद्र १३ गते शुक्रवार

२०८२ भाद्र १३ गते शुक्रवार

कोरोनामुक्त भइन् १०० वर्षीया हजुरआमा

कोरोनामुक्त भइन् १०० वर्षीया हजुरआमा


  • 5.0K
    Shares

    कोरोनामुक्त भइन् १०० वर्षीया हजुरआमा
    images

    सिन्धुली । सिन्धुलीको कमलामाई नगरपालिका निवासी एक सय वर्षीया एक महिला कोरोना संक्रमण मुक्त भएकी छन् । कमलामाई नगरपालिका ६ की सय वर्षीया इन्दिराकुमारी थापाले कोरोनालाई जितेकी हुन् ।

    जिल्ला अस्पतालमा पाँच दिनको उपचारपछि उनी संक्रमण मुक्त भएकी अस्पतालका प्रवक्तासमेत रहेका डा.सागर देवकोटाले जानकारी दिए । स्वास्थ्यमा समस्या देखिएपछि थापालाई आफन्तले अस्पताल भर्ना गरेका थिए । थापा बुधबार स्वस्थ भएर घर फर्किएकी हुन् । सय वर्षीया हजुरआमाले कोरोनालाई जितेको भन्दै स्थानीयले खुसी व्यक्त गरेका छन् ।

    ज्वरोसँगै रुघाखोकी देखिएपछि जिल्ला अस्पतालमा लगेर परीक्षण गर्दा आमालाई संक्रमण पुष्टि भएको छोरी निर्मलाले बताइन् । ‘आत्मबल र समयमै उपचार पाउँदा आमा निको हुनुभयो,’ खुसी हुँदै निर्मलाले भनिन् ।

    अस्पताल पुर्याउँदा उनको शरीरमा अक्सिजनको मात्रा निकै कमी देखिएको उपचारमा संलग्न स्वास्थ्यकर्मीले बताएका छन् । कोरोनाको रिपोर्ट पोजिटिभ आएपछि उनलाई अक्सिजन दिएर उपचार सुरु गरिएको थियो ।

    प्रकाशित मिति :जेठ २० २०७८ बिहिवार - १०:५१:४२ बजे
    प्रतिक्रिया

    खबरसेन्टर डेस्क

    सम्बन्धित समाचार

    © 2025 All right reserved to khabarcnter.com | Site By : Sobij