Logo

२०८२ भाद्र १३ गते शुक्रवार

२०८२ भाद्र १३ गते शुक्रवार

आजदेखि कोरोनाविरुद्धको खोप प्रदेशमा पठाइँदै

आजदेखि कोरोनाविरुद्धको खोप प्रदेशमा पठाइँदै


  • 6.3K
    Shares

    आजदेखि कोरोनाविरुद्धको खोप प्रदेशमा पठाइँदै
    images

    काठमाडौं । चीनबाट ल्याइएको कोरोनाविरुद्धको भेरोसेल खोप आजदेखि प्रदेशमा पठाइँदै छ ।

    चीन सरकारले अनुदानमा दिएको १० लाख डोज खोप आजदेखि प्रदेशमा वितरण सुरु गरिएको स्वास्थ्य सेवा विभागका आपूर्ति व्यवस्थापन शाखा प्रमुख उपेन्द्र ढुंगानाले बताए ।

    प्रदेश आपूर्ति केन्द्रले विभिन्न जिल्लामा खोप वितरण गर्नेछ । जिल्ला खोप समन्वय समितिको सहकार्यमा खोप केन्द्रहरु तोकी केही दिनभित्रै खोप तालिका सार्वजनिक गरिने स्वास्थ्य तथा जनसंख्या मन्त्रालयले जनाएको छ ।

    सरकारले यही जेठ २५ गतेदेखि ६० देखि ६४ वर्षसम्मका नागरिकलाई उक्त खोप दिने निर्णय गरेको छ । यसपटकको अभियानमा चीनसँग सीमा जोडिएका जिल्लाका १८ वर्षमाथिका नागरिकलाई पनि उमेर खुल्ने परिचयपत्रका आधारमा खोप दिइने मन्त्रालयले जनाएको छ ।

    नेपालमा अहिलेसम्म सात लाख १४ हजार १६३ जनाले कोरोनाविरुद्धको खोप दुवै डोज र २१ लाख १३ हजार ८० जनाले पहिलो डोज लगाएका छन् ।

    प्रकाशित मिति :जेठ २० २०७८ बिहिवार - १०:४३:०५ बजे
    प्रतिक्रिया

    खबरसेन्टर डेस्क

    सम्बन्धित समाचार

    © 2025 All right reserved to khabarcnter.com | Site By : Sobij