२०८२ भाद्र १३ गते शुक्रवार
२०८२ भाद्र १३ गते शुक्रवार
भारतको उत्तर प्रदेशमा खाना पकाउने ग्यास सिलिण्डर विस्फोट हुँदा ८ जनाको मृत्यु भएको छ भने ७ जना घाइते भएका छन् ।
मंगलबार राति उत्तर प्रदेशको गोन्डा जिल्लामा ग्यास सिलिण्डर विस्फोट भएको थियो । विस्फोटमा परी ८ जनाले ज्यान गुमाएको र ७ जना घाइते भएको भारतीय समाचार माध्यमले जनाएका छन् । ज्यान गुमाउनेमध्ये २ महिला, २ पुरुष र ४ बालबालिका रहेका छन् ।
टिक्री गाउँमा भएको उक्त विस्फोटपछि एक आपसमा जोडिएका २ वटा घर ढलेका थिए । नुरल हसनको परिवारले खाना पकाइरहेका बेला ग्यास सिलिण्डर विस्फोट भएको समाचारमा उल्लेख गरिएको छ ।
ग्यास सिलिण्डर विस्फोट हुनुको कारणबारे अनुसन्धान भइरहेको प्रहरीले जनाएको छ । एजेन्सी
© 2025 All right reserved to khabarcnter.com | Site By : Sobij
