२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । चर्चित हास्य कलाकार तथा ‘माग्ने बुढा’का रूपमा परिचित केदार घिमिरे करिब ६ महिनादेखि अमेरिकामा रहेका छन्। उनी ग्रीन कार्ड लिने प्रक्रियामा रहेको चर्चा चलिरहे पनि यसबारे उनले सार्वजनिक रूपमा कुनै प्रतिक्रिया दिएका छैनन्।
केदार लामो समयसम्म नेपाल नफर्किने भएपछि दीपक–दीपा समूहको नयाँ फिल्म ‘छ माया छपक्कै २’ मा उनको स्थानमा अर्का कलाकारलाई लिइएको बताइएको छ।
यता, ग्रीन कार्डसम्बन्धी चर्चाको उनकी श्रीमती तथा कलाकार सीतादेवी तिमल्सिनाले खण्डन गरेकी छन्। एक फिल्मको गीत सार्वजनिक कार्यक्रममा बोल्दै उनले छोरीको स्वास्थ्य अवस्था कमजोर भएका कारण केदार अमेरिका बसिरहेको बताइन्।
पत्रकारले श्रीमानलाई कति मिस गर्नुहुन्छ भन्ने प्रश्न गर्दा उनले भनिन्, “मिस त अवश्य हुन्छ नै। तर मिस भयो भनेर आफ्नो कर्तव्यबाट विमुख हुनु पनि भएन। छोरीलाई स्वास्थ्यले अलि साथ नदिएका कारण उहाँ अमेरिका बसेर छोरीलाई सहयोग गरिरहनुभएको छ। यता मैले छोरालाई हेरिरहेकी छु, उता उहाँले छोरीलाई हेरिरहनुभएको छ।”
© 2026 All right reserved to khabarcnter.com | Site By : Sobij
