२०८२ भाद्र १४ गते शनिवार
२०८२ भाद्र १४ गते शनिवार
राजविराजस्थित गजेन्द्र नारायण सिंह अस्पतालमा सिनियर कन्सल्ट्यान्ट फिजिसियन तथा प्रमुखको रुपमा कार्यरत डा रणजीत कुमार झाले ‘नसोध मलाई’ शीर्षकको गीत सार्वजनिक गरेका छन् । बिरामीको सेवा सँगसँगै कलाकारिता क्षेत्रमा पनि सक्रिय डा. झा गायक तथा संगीतकार पनि हुन् ।
कोरोना महामारीको सुरुवातदेखी नै कोरोना संक्रमितहरुको उपचारमा खटिएका डा. झाले सबै स्वाथ्यकर्मीहरुको सम्मान स्वरुप गित गाएका छन् । ‘नसोध मलाई’ शीर्षकको उक्त गीतमा संक्रमितहरुको उपचारमा खटिएका चिकित्सकहरुको मनोदशा चित्रण गरीएको छ ।
साथै उपचारमा खटिएका स्वाथ्यकर्मीहरुले भोग्नुपरेका पिडाहरु समेटिएको छ । चिकित्सक, नर्स तथा स्वास्थ्यकर्मीले आफ्ना सम्पूर्ण पीडाहरु बिर्सिएर पनि बिरामीको उपचारमा खटिएका छन् भन्ने सन्देश बोकेको छ। डा झाको स्वरमा रहेको गितमा गिरिराज निरौलाको शब्द हो । भने डा झा तथा गीतकार निरौलाको संगीत निर्देशन छ ।
गीतको संगीत संयोजन महाराज थापाले गरेका हुन् भने साजन शाहले यसलाई मिक्सिङ तथा मास्टरिङ गरेका छन् । यस्तै निशान कश्यपले निर्देशन गरेको गितको भिडियोमा महेश खड्का तथा सुशिला थापाको अभिनय देख्न सकिन्छ ।
© 2025 All right reserved to khabarcnter.com | Site By : Sobij
