२०८२ भाद्र १ गते आइतवार
२०८२ भाद्र १ गते आइतवार
काठमाडौं । शिक्षा, विज्ञान तथा प्रबिधि मन्त्रालयले यस बर्षको एसईई परीक्षा भौतिक रुपमा गर्ने सम्भावना न्युन रहेको भन्दै बिभिन्न बिकल्पमा छलफल भइरहेको जनाएको छ ।
सोमबार सिंहदरबारमा अखिल नेपाल राष्ट्रिय स्वतन्त्र बिद्यार्थी युनियनको ज्ञापन पत्र बुझ्दै शिक्षामन्त्री कृष्णगोपाल श्रेष्ठले दोश्रो चरणको कोरोना महामारीका कारण एसईई परीक्षा भौतिक रुपमा गर्ने सम्भावना न्युन हुदै गएको बताए ।
उनले एसईई परीक्षाका बिषयमा मन्त्रालयले बिभिन्न विकल्पमाथि छलफल गरेको र छिटै टुङ्गो लाग्ने समेत बताए ।
उनले एसईई र कक्षा १२ को परीक्षाका बिषयमा छलफल गर्न मन्त्रालयले कार्यदल गठन गरेको र कार्यदलको सुझावका आधारमा छिटै निर्णय लिइने जानकारी दिए । त्यस्तै शिक्षा क्षेत्रको सुधारका लागि बजेट थप गर्ने लगायतका अन्य बिषयमा पनि सरकार गम्भीर रहेको मन्त्री श्रेष्ठले बताए ।
मन्त्री श्रेष्ठलाई ज्ञापन पत्र बुझाउदै अखिलका संयोजक ऐन महरले विद्यालय तहको परीक्षा वैकल्पिक विधिबाट तत्काल सम्पन्न गरी असार १ गतेदेखि नया शैक्षिकसत्र शुरु गर्न माग गरे ।
१३ बुँदे ज्ञापन पत्रमा भौतिक उपस्थितिमा पढाइ नहुँदासम्मको अवधिको शुल्क मिनाहा गर्नुपर्ने, विद्यालय तहको परीक्षा वैकल्पिक विधिबाट तत्काल सम्पन्न गर्नुपर्ने, असार १ गतेदेखि नया शैक्षिकसत्र शुरु गर्नुपर्ने लगाएतका माग राखिएको छ ।
© 2025 All right reserved to khabarcnter.com | Site By : Sobij
