२०८३ आश्विन २८ गते बुधवार
२०८३ आश्विन २८ गते बुधवार
.gif)
काठमाडौँ । श्रीलंकाले अमेरिकी सैन्य आग्रह अस्वीकार गर्दै आफ्नो भूमिमा युद्धविमान अवतरण गर्न नदिएपछि राष्ट्रपति अनुरा कुमारा दिशानायकेको राजनीतिक पृष्ठभूमिलाई लिएर टिप्पणी गरिएका छन् ।
अमेरिकी विज्ञ तथा कतिपय सञ्चारमाध्यमले श्रीलंकाको कम्युनिस्ट सरकारले अमेरिकी लडाकु विमान अतवरण गर्न नदिइएको भने विषयान्तर गरेको भन्दै श्रीलंकामा आक्रोश समेत व्यक्त भएको छ । राष्ट्रपति अनुरा कुमारा कम्युनिस्ट पार्टीका नेता हुन् तर श्रीलंकामा कम्युनिस्ट सत्ता नभएर लोकतान्त्रिक प्रक्रियाबाट निर्वाचित सरकार रहेको त्यहाँका मिडियाले जवाफ फर्काएका छन् ।
द हिन्दूको रिपोर्टअनुसार, श्रीलंकाकाका राष्ट्रपति अनुरा कुमारा दिसानायकेले अमेरिकाले दुई वटा युद्धविमानलाई मात्तला अन्तर्राष्ट्रिय विमानस्थलमा अवतरण गराउन चाहेको बताएका थिए । ती विमान जिबुटीस्थित सैन्य आधारबाट पठाउने योजना रहेको र प्रत्येकमा आठ वटा एन्टी–शिप मिसाइल जडित रहेको उल्लेख गरिएको जानकारी राष्ट्रपतिले संसदलाई जानकारी गराएका छन् ।
राष्ट्रपति दिसानायकेले भने, ‘उनीहरूले दुई वटा युद्धविमान ल्याउन चाहेका थिए, तर हामीले स्पष्ट रूपमा हुँदैन भन्यौँ । किनकी श्रीलंकाले आफ्नो भूमिलाई कुनै पनि सैन्य तनाव बढाउने गतिविधिमा प्रयोग हुन नदिने नीति लिएको छ ।’
अमेरिका र इरानबीच बढ्दो तनावका कारण क्षेत्रीय सैन्य गतिविधि तीव्र भइरहेका बेला श्रीलंकाको यो निर्णयलाई देशभित्र भने कूटनीतिक सन्तुलनको प्रयासका रूपमा हेरिएको छ।
© 2026 All right reserved to khabarcnter.com | Site By : Sobij
