२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । आगामी वैशाख ११ गतेबाट प्रदर्शनमा आउने फिल्म ‘परालको आगो’ को गीत ‘उडी जाऊँ भने, म पंक्षी होइन’ सार्वजनिक गरिएको छ ।
सोमबार सार्वजनिक गीतमा फिल्मका मुख्य कलाकार सुहाना थापा, प्रकाश सपुत र बाल कलाकार मञ्जिला बानियाँको अभिनय देख्न सकिन्छ ।
गीतमा रामजी लामिछानेको कोरियोग्राफी छ । शान्ति ठटालको संगीत रहेको गीतमा निशु शर्माको स्वर रहेको छ । गीतको शब्द रचना मन बहादुर मुखियाले गरेका हुन् । नेपाली स्रोतामाझ असाध्यै लोकप्रिय रहेको यस गीतले फेरि पनि बेग्लै छाप छोड्न सक्ने निर्माण पक्षको भनाई छ ।
यस गीतको ओर्जिनल गायिका अरुणा लामा हुन्। उनले चार दशक अघि गाएकी थिइन्। जुन गीत अहिले पनि उतिकै समय सान्दर्भिक सुनिन्छ। निर्माण टिमले अरुणा लामा समर्पित भन्दै गीतमार्फत सम्झिएको छ। यस गीतको म्युजिक एरेन्ज विनोद भुजेलले गरेका छन्।
गुरु प्रसाद मैनालीको अमर कृति ‘परालको आगो’बाट प्रेरित यस फिल्ममा सुहाना थापा,सौगात मल्ल,प्रकाश सपुत,सिर्जना अधिकारी, किशोर भण्डारी, ज्याक श्रेष्ठ, सरिता भण्डारी, रेणु न्यौपाने र बाल कलाकार मन्जिला बानियाँ लगायतले अभिनय रहेको छ ।
लक्ष्मण सुनारले निर्देशन गरेको यस फिल्ममा सङ्कल्प भुजेलको छायाङ्कन, रामजी लामिछानेको कोरियोग्राफी रहेको छ भने सम्पादन मिलन श्रेष्ठको छ। फिल्मलाई नेपालभरको वितरण आर आर फिल्मसले गर्दैछ।
© 2026 All right reserved to khabarcnter.com | Site By : Sobij
