२०८२ चैत्र १ गते आइतवार
२०८२ चैत्र १ गते आइतवार
काठमाडौं । हिमालयन लाइफ इन्स्योरेन्स लिमिटेडका बीमितहरुले एक लाख रुपैया सम्मको कर्जा अनलाइनबाटै आवेदन गरी लिन पाउने भएका छन् । कम्पनीका बीमितहरुलाई सहज रुपमा कर्जा उपलब्ध गराउने उद्धेश्यले खल्ती एपको सहकार्यमा यस प्रकारको सुविधा उपलब्ध गराईएको हो ।
कम्पनीमा बीमा गरेका बीमितहरुले बीमालेख अन्तर्गत कर्जा लिन योग्य भई अनलाइन आवेदन गरे पश्चात कम्पनीले कर्जा उपलब्ध गराउने व्यवस्था गरेको छ ।
बीमा कम्पनीहरुको नियमनकारी निकाय नेपाल बीमा प्राधिकरणले जारी गरेको निर्देशिका अनुसार बीमा गरेको तीन बर्ष पुरा भए पश्चात बीमितहरुले कर्जा लिन पाउने व्यवस्था रहेको छ ।
कम्पनीले खल्ती एपको सहकार्यमा अनलाइनबाट बीमालेख अन्तर्गतको कर्जा लिन सक्ने व्यवस्था गरेको कारण एक लाख सम्मको कर्जा लिन कम्पनीमा जानै नपर्ने र जुनसुकै स्थानमा बसेर पनि कर्जा प्राप्त गर्न सकिने भएको छ ।
कम्पनीबाट अनलाइन बीमालेख कर्जा सुविधा प्राप्त गर्नको लागि कम्पनीमा बीमा गर्दा र खल्ती एप खोल्दा प्रयोग गरिएको केवाइसी र मोबाइल नम्बर समेत मिलेको हुनु पर्ने अन्यथा कर्जा प्राप्त नहुने कम्पनीले जनाएको छ ।
© 2026 All right reserved to khabarcnter.com | Site By : Sobij
