२०८३ श्रावण २८ गते बिहिवार
२०८३ श्रावण २८ गते बिहिवार
.gif)
इरानले नयाँ सर्वोच्च नेता चयन गरेको छ।
यसअघिका सर्वोच्च नेता अयातोल्लाह अली खामेनी इजरायल र अमेरिकाको संयुक्त हवाई आक्रमणमा मारिएपछि उनको स्थानमा उनका छोरा मोज्तबा खामेनीलाई ल्याइएको हो।
इरानको सरकारी टीभीले सोमबार बिहान मोज्तबा खामेनीलाई नयाँ सर्वोच्च नेता बनाइएको घोषणा गरेको हो। गत फेब्रुअरी २८ मा इजरायल र अमेरिकाले संयुक्त हवाई हमला गरी उनका बुबा अली खामेनीलाई मारेका थिए।
यसपछि अब आफूहरूको स्वीकृतिबिना नयाँ सर्वोच्च नेता चयन नगर्न भनी अमेरिकाका राष्ट्रपति डोनाल्ड ट्रम्पले चेतावनी दिइरहेका थिए। त्यति मात्र होइन, उनले अली खामेनीका छोरा मोज्तबालाई नेता नबनाउनसमेत भनेका थिए।
तर अमेरिकाको धम्कीका बाबजुद इरानले उनैलाई नयाँ सर्वोच्च नेता बनाएको हो।
अली खामेनी ३५ वर्षसम्म इरानको सर्वोच्च पदमा थिए। उनी सन् १९८९ मा रुहोल्लाह खोमेनीको मृत्यु भएदेखि इरानको सर्वोच्च नेता पदमा थिए।
© 2026 All right reserved to khabarcnter.com | Site By : Sobij
