२०८२ फाल्गुण २४ गते आइतवार
२०८२ फाल्गुण २४ गते आइतवार
काठमाडौं । नेसनल लाइफ इन्स्योरेन्स कम्पनीले आर्थिक वर्ष २०८२\८३ को दोस्रो त्रैमास (साउन-पुस) सम्मको वित्तीय विवरण सार्वजनिक गरेको छ।
सार्वजनिक गरेको वित्तीय विवरण अनुसार पहिलो ६ महिनामा कम्पनीले २८ करोड ६८ लाख रुपैयाँ नाफा आर्जन गर्न सफल भएको छ। अघिल्लो आर्थिक वर्षको तुलनामा कम्पनीको नाफा २.७६ प्रतिशतले बढेको छ।
चालु वर्षको पुससम्म कम्पनीको जीवन बीमा कोषमा ९७ अर्ब ५६ करोड २६ लाख रुपैयाँ रहेको छ। अघिल्लो वर्षको तुलनामा कम्पनीको जीवन बीमा कोषको आकार २५.१६ प्रतिशतले बढेको छ।
कम्पनीले ११ अर्ब ११ लाख रुपैयाँ कुल बीमाशुल्क आर्जन गरेको छ। अघिल्लो वर्षको तुलनामा समीक्षा वर्षमा कम्पनीको कुल बीमाशुल्क आर्जन १४.४४ प्रतिशतले बढेको छ। शेयरपुँजी ५ अर्ब ६९ करोड १६ लाख रुपैयाँ रहेको छ ।
कम्पनीको शेयर प्रिमियममा २ करोड ७८ लाख रुपैयाँ, महाविपत्ति कोषमा ७३ करोड ७१ लाख रुपैयाँ, रिटेन्ड अर्निङमा ४० करोड ७९ लाख रुपैयाँ र अन्य इक्विटी ४० करोड रुपैयाँ रहेको छ।
कम्पनीले चालु वर्षको पुससम्म १० अर्ब ७३ करोड ७१ लाख रुपैयाँ खुद बीमाशुल्क आर्जन गरेको छ। अघिल्लो वर्षको तुलनामा कम्पनीको खुद बीमाशुल्क आर्जन १३.१५ प्रतिशतले बढेको छ।
कम्पनीको वार्षिकीकृत प्रतिशेयर आम्दानी घटेर १०.२८ रुपैयाँ कायम भएको छ भने पीई रेसियो ५६.१३ गुणा रहेको कम्पनीको प्रतिशेयर नेटवर्थ १२७.६४ रुपैयाँ रहेको छ।
© 2026 All right reserved to khabarcnter.com | Site By : Sobij
