२०८२ माघ १५ गते बिहिवार
२०८२ माघ १५ गते बिहिवार
काठमाडौं । मुक्तिनाथ विकास बैंकले चालु आर्थिक वर्ष २०८२\८३ को दोस्रो त्रैमास (साउन-पुस)सम्मको वित्तीय विवरण सार्वजनिक गरेको छ। वित्तीय विवरणअनुसार ६ महिनामा बैंकले ६७ करोड २० लाख रुपैयाँ नाफा आर्जन गरेको छ। बैंकको नाफा अघिल्लो वर्षको तुलनामा २२.३२ प्रतिशतले बढेको छ ।
चालु वर्षको पुसम्म बैंकको सञ्चालन मुनाफा ९७ करोड १ रुपैयाँमा भएको छ। बैंकको सञ्चालन मुनाफा ३५.०२ प्रतिशतले बढी हो। बैंकको वितरणयोग्य मुनाफा १९ करोड ५२ लाख रुपैयाँ रहेको छ।
बैंकले २ अर्ब ३७ करोड २८ लाख रुपैयाँ ब्याज आम्दानी गरेको छ। अघिल्लो वर्षको तुलनामा ब्याज आम्दानी ८.१४ प्रतिशतले बढेको छ।
चुक्तापुँजी ८ अर्ब रुपैयाँ रहेको बैंकको रेटिन्डमा अर्निङ १९ करोड ५२ लाख रुपैयाँ र रिजर्भमा ३ अर्ब ९१ करोड ३१ लाख रुपैयाँ रहेको छ। बैंकले १ खर्ब १५ अर्ब ३८ करोड रुपैयाँ निक्षेप संकलन गरी ९८ अर्ब ५४ करोड रुपैयाँ कर्जा लगानी गरेको छ।
बैंकको वार्षिकीकृत प्रतिशेयर आम्दानी बढेर १६.८० रुपैयाँ कायम भएको छ भने पीई रेसियो २०.७७ गुणा रहेको बैंकको प्रतिशेयर नेटवर्थ १५१.३५ रुपैयाँ रहेको छ। बैंकको खराब कर्जा अनुपात (एनपीएल) घटेर ३.७५ प्रतिशतमा पुगेको छ।
© 2026 All right reserved to khabarcnter.com | Site By : Sobij
